اسلام آباد(سرائیکی نیوز۔ذکاء اللہ) اقوام متحدہ نے ھک واری ول واضح کر ݙیتا ھِ کہ پاکستان اچ عورتاں دے حقوق دی صورتحال افسوسناک ھِ رپورٹ اچ دعوی کیتا گئیا ھِ کہ مرداں دے مقابلہے اچ خواتین کوں تعلیم ، صحت تے روزگار دی سہولیات بہوں گھٹ ھن۔
اقوام متحدہ نے رپورٹ برائے مرد و خواتین عدم برابر جاری کر ݙیتی رپورٹ آکھیدی ھِ کہ پاکستان اچ عورتاں دے نال امتیازی سلوک کیتا ویندا پئیا ھِ اقوام متحدہ دی طرفوں ١٨ توں ٤٩ سال عمر دی خاتون دا سروے ڈیٹا ٢٠١٢ ٌ ٢٠١٣ جمع کیتا گئیا ، ڈیٹا آکھیندا ھِ کہ ١٢ فیصد عورتاں معیاری تعلیم توں محروم ھن، ٤٩ لکھ خواتین کم عمر شادی ، خرابی صحت تے بے روزگاری دے مسائل نال ݙو چار ھِ محروم محروم خواتین دا 79.8 فیصد دیہاتی آبادی تے مشتمل ھِ رپورٹ اچ ڈسایا گئیا ھِ کہ سندھی ، سرائیکی تے پشتون خواتین سبھ توں زیادہ متاثر ھن ، پشتون خواتین تعلیم اچ سبھ توں زیادہ پچھی تے ھن۔ گالھ صرف دیہاتی تے غریب خانداناں تک محدود کینی ، امیر گھراں اچ وی عورتاں دی گھٹ عمری اچ شادی دی شرح 24 فیصد ھِ بکہ غریب ترین گھراں اچ گھٹ عمری اچ شادی دی شرح 63 فیصد ھِ رپورٹ اچ مزید آکھیا گئیا ھِ کہ امیر گھراں اچ 13.4 فیصد عورتاں دی صحت دی سہولیات توں محروم ھن، انتہائی غریب عورتاں دا 70.2 فیصد صحت دے مسائل نال ڈو چار ھن۔ اقوام متحدہ دی رپورٹ آکھیندی ھِ کہ خواتین دی 70 فیصد شہری آبادی کچی وستیاں اچ رھاندی ھِ
