سی پیک اچ بھارتی مداخلت خفیہ نی رھی ، پاکستان
اسلام آباد(سرائیکی نیوز) پاکستان اچ بھارتی تخریب کاری تے سی پیک اچ بھارتی مداخلت کہیں توں وی ڈھکی چھپی کینی رھی جیندا واضح ثبوت کلبھوش یادیو ھِ ترجمان دفتر خارجہ ڈاکٹر محمد فیصل نے ہفتہ وار پریس کانفرنس اچ ڈسایا کہ 2018 اچ بھارتی فوج نے 190 توں زیادہ واری کنٹرول لائن تے ورکنگ باؤنڈری دی خلاف ورزی کیتی ھِ بھارتی قابض فوج نے ڈو کشمیریاں کوں شوبیاں اچ شہید کیتا جبکہ ھک بالڑی کوں زخمی کیتا۔ ڈاکٹر محمد فیصل نے آکھیا کہ دنیا بھر دی انسانی حقوق دی تنظیماں دے ایں معاملے تے کھڑا تھیونڑاں چاھیدا ھِ بھارت نے کشمیر اچ ظلم دا بازار گرم کر رکھے، نیزہ پیر ، نکیال تے لائن آف کنٹرول دی خلاف ورزی تے بھرتی ڈپٹی ہائی کمشنر کوں طلب کیتا گئیا ، مقبوضہ کشمیر اچ بھارت دی انسانی حقوق دی خلاف ورزیاں دی مزمت کریندے ھیں۔ ترجمان دفتر خارجہ نے ڈسایا کہ ہر ریاست کوں خلائی ٹیکنالوجی استعمال کرݨ دا حق ھِ لیکن اے پر امن مقاصد کیتے ہووے، ایں نال ہتھیاراں دی دوڑ نا شروع تھیووے، پاکستان اپنڑی دفاعی ضروریات کوں پیش نظر رکھیندے ہووے دفاعی صلاحیت رکھیندا ھِ
ڈاکٹر محمد فیصل نے آکھیا کہ افغان وفد توں اج سہ پیر تے کل ملاقاں تھیسن جنہاں اچ مہاجراں دی وطن واپسی تے سرحد پار حملیاں دا معاملہ چاتا ویسی، اساں امریکا اچ پاکستان کوں غیر دفاعی امداد روکن دے بل دا جائزہ گھیندے پئے ھیں انہاں نے آکھیا کہ بھارت اج تک جواب نی ڈے سکیا کہ کلبھوشن دے کول حسین مبارک پٹیل دا پاسپورٹ کیتھوں آئے، بھارت نے کلبھوشن دی ریٹائرمنٹ دی کوئی دستاویزات نی ݙیتیں، 2017 توں بھارت توں دستاویزات منگدے پئے ھیں۔
ترجمان دفتر خارجہ نے آکھیا کہ مالدیب دے نال دیرینہ تعلقات ھن اساں مالدین اچ جمہوریت تے قانون دی حکمرانی چاھندے ھیں اساں کہیں ملک دے اندرونی معاملات اچ دخل اندازی نی کریندے، انہاں آکھیا کہ ایران تے پاکستان پائپ لائن منصوبہ جاری ھِ ھک سوال دے جواب اچ ترجمان نے آکھیا کہ مودی پاکستان دے معاملات اچ برملا مداخلت کریندے، سرائیکی نیوز دے مطابق ترجمان دفتر خارجہ نے آکھیا کہ اساݙی افواج تے بھارتی جارحیت دا جواب ݙیون دی بھر پور صلاحیت رکھیندی ھِ بھارتی آرمی چیف جو آکھ ݙیووے شہادت مومن دی مطلوب و مقصود ھِ
ڈاکٹر محمد فیصل نے آکھیا کہ افغان سرزمین تے افغانیاں دے زیر انتظام مفاہمت نال ہی امن ممکن ھِ پاکستان وی ایہو سمجھدا ھِ کہ افغان مسئلے دا بہترین حل سیاسی حل ھ حزب اسلامی تے افغان حکومت دے درمیان گالھ مہاڑ خوش آئند ھِ انہاں آکھیا کہ اسٹرٹیجک استحکام خطے دے ملکاں دی مشترکا ذمہ داری ھِ
