پیٹرولیم لیوی ڊی آڑ اچ عام کوں مزید پچپن روپے ڊا چونا
اسلام آباد(سرائیکی نیوز۔میثم نقوی)پیٹرولیم لیوی ڊی آڑ اچ عام کوں مزید پچپن روپے ڊا چونا، تفصیل دے مطابق پیٹرولیم لیوی دی آڑ اچ عام کوں مزید پچپن روپے دا چونا لگ گئیا، ایل پی جی ڈیلرز فی سلینڈر چار سو تیرہ روپے دا منافع گھیندے پئے ھن ، چھپن روپے کلو والی گیس ھک سو بارہ روپے اچ فروخت کیتی ویندی پئی ھِ
ایل پی جی ڈیلرز دی ماجاں لگ گئیاں پیٹرولیم لیوی دی آڑ اچ فی سلنڈر ٤١٣ روپے دا منافع کمایا ویندا پئے ڈیلرز دی طرفوں ٥٦ روپے ٧٧ پیسے اچ پون والی ایل پی جی گیس فی کلو ١١٢ روپے اچ فروخت تھیون دا انکشاف تھئی گئیا۔ سرائیکی نیوز کوں موصول تھیون والے اوگرا دستاویز دے مطابق گیس ١١ اعشاریہ ٨ کلو گرام سلنڈر دی قیمت ٦٧٠ روپے بنڑدی ھِ تاہم ڈیلرز مارجن جی ایس ٹی تے پیٹرولیم لیوی ملا تے عوام توں ١٣٣٢ روپے فی سلنڈر وصول کریندی پئی ھِ
اوگرا دستایز دے مطابق گھریلو سلنڈر تے جنرل سیلز ٹیکس ١٩٣ روپے جبکہ پیٹرولیم لیوی دے ناں تے ٥٥ روپے وصول کیتے ویندے پئے ھن۔
