زینب قتل، بالاں دے حوالے نال پارلیمنٹ اچ کوئی قانون نی آیا، سپریم کورٹ
اسلام آباد(سرائیکی نیوز) سپریم کورٹ نے زینب قتل تے لاہور ہائی کورٹ کوں سماعت توں روک ڈیتا جبکہ دوران سماعت چیف جسٹس دا آکھن ھا کہ بالاں دے عماملات تے پارلیمنٹ اچ ھن تک کوئی قانون نی آیا۔ چیف جسٹس آف پاکستان میاں ثاقب نثار دی سربراہ اچ تریھ رکنی بینچ زینب قتل دی از خود نوٹس کیس دی پہلی تے مختصر سماعت کیتی۔عدالت نے لاہور ہائی کورٹ کوں سماعت توں روکیندے ہووے آکھیا کہ ہائی کورٹ دے کول از خود نوٹس دا اختیار کینی، لاہور ہائی کورٹ اچ مقدمے دی سماعت روکیندے پئے ھیں۔ خیال رھاوے کی چیف جسٹس لاہور ہائی کورٹ جسٹس منصور علی شاہ نے زینب قتل تے از خود نوٹس گھیدا ھا زینب قتل تے چیف جسٹس آف پاکستان دی طرفوں گھیدے گئے از خود نوٹس دی سماعت شروع تھئی تاں ایڈیشنل آئی جی پنجاب عدالت دے روبرو پیش تھئے جنہاں کوں مخاطب کریندے ہووئے چیف جسٹس نے آکھیا کہ پوری قوم واقعے دے ڈکھی ھِ ڈسایا ونجے کیا پیش رفت تھئی ھِ جئیں تے عدالت کوں ڈسایا گئیا کہ تحقیقات تے تفتیش تے کم تھیندا پئے ، ڈیڑھ سال اچ ایں نوعیت دے ٨ واقعات تھئی چکے ھن۔
چیف جسٹس نے ایڈیشنل آئی جی پنجاب کوں آکھا کہ اپنڑی تحقیقات چیمبر اچ ڈساونڑاں چاھندے ھن تاں ڈسا ڈیون، ھن تک ھک وی پیش رفت نظر نی آندی پئی ۔ ایڈیشنل آئی جی پنجاب دا آکھن ھا کہ ملزم دی گرفتار دا وقت نی ڈے سکدے جئیں تے چیف جسٹس نے آکھیا کہ میں نی چاھندا کہ بندہ پکڑا ونجے تے مقابلے اچ مار ڈیتی ونجے یقین ہونڑاں چاھیدا ھِ کہ ملزم گرفتار تھئیا
چیف جسٹس نے آکھیا کہ زینب نال زیادتی کرن والا شخص سیریل کلر معلوم تھیندے طیبہ تشدد کیس وی اساڈے کول موجود ھِ بالاں دے نال معاملات تے پارلیمنٹ اچ وی ھن تک کوئی قانون نی آیا۔
چیف جسٹس نے ریمارکس ڈیتے ھن کہ پولیس دی ناقص تفتیش نال لوگ بری تھئی ویندے ھن ہر کیس اچ اوہو غلطیاں کیتیاں ویندیاں ھن مسئلہ حل نا تھیا تے حکومت تے پولیس دی ناکامی ہوسی۔
