سرکاری سکیم دے تحت حج درخواستاں دی وصولی دی تاریخ دا اعلان
اسلام آباد (سرائیکی نیوز) وزارت مذہبی امور نے سرکاری سکیم دے تحت حج درخواستاں دی وصولی دے حوالے نال تمام انتظامات کوں حتمی شکل ڈے ڈیتی ھِ جیندے تحت پیر ١٥ جنوری توں قومی بینک حج درخواستاں دی وصولی دا عمل شروع کریسی۔ وازارت مذہبی امور دے ذرائع ے مطابق قومی بینکاں حبیب بینک ، نیشنل بینک ، الائیڈ بینک ، ایم سی بی ، یونائیڈڈ بینک ، میزان بینک ، بینک آف پنجاب سمیت دیگر قومی و نجی بینکاں دی نامزد برانچاں کوں سرکاری اسکیم دے تحت درخواستاں دی وصولی دا اختیار ڈیتا گئیا ھِ
حج درخواستاں دی وصولی پیر ، ١٥ جنوری توں ٢١ جنوری تک ہوسی، ٢٦ جنوری کوں قرعہ اندازی دے ذریعے ھک لکھ ٧٩ ہزار ٢١٠ خوش نصیب درخواست گزاراں دا انتخاب کیتا ویسی۔ رواں سال وزارت مذہبی امور نے گزشتہ تریھ سالاں توں سرکاری سکیم دی قرعی اندازی اچ ناکام رھاون والے درخواست گزاراں دے واسطے ١٠ ھزار دا الگ کوٹی مختص کیتا ھِ انہاں درخواست گزاروں کوں عمومی قرعہ اندازی اچ وی موقع ڈیتا ویسی۔ اگر انہاں توں کوئی ناکام رھیا تاں ١٠ ہزار دے مختص کوٹے دی قرعی اندازی اچ شامل کیتا ویسی ۔ رواں سال ٨٠ سال توں زائد عمر رسیدہ درخواست گزاروں کوں قرعی اندازی توں مستظنی قرار ڈیتا گئیا ھِ ایہو جئے بندے اپنڑیں نال معاون دے طور تےھک خونی رشتہ در کوں وی گھن تے ونج سکدن۔
