محکمہ شماریات دا مردم شماری دا تمام ڈیٹا الیکشن کمیشن کوں فراہم کر ڈیتا
اسلام آباد (سرائیکی نیوز) ڈو ہزار اٹھارہ دی تیاریاں دے معاملے تے محکمہ شماریات نے الیکشن کمیشن کوں مردم شماری دا تمام مطلوبہ ڈیٹا فراہم کر ڈیتا، ادارہ شماریات تے مردم شماری 2017 توں متعلق تمام مطلوبہ ڈیٹا الیکشن کمیشن کوں طے شدہ وقت اچ یعنی 10 جنوری تک مہیا کر ڈیتا گئیا ۔
ادارہ شماریات دے مطابق الیکشن کمیشن کوں مردم شماری چارج ، سرکل دا نقشہ ، شہری تے دیاتی علاقیاں دے نقشے تے علاقیاں دی تفصیل وی ڈے ڈیتی ھِ ایں علاقے دے تمام بلاکس سطح تک دا ڈیٹا وی الیکشن کمیشن کوں ڈے ڈیتا گئیا ھِ متعلقہ ریکارڈ باضابطہ طور تے صوبائی دفاتر دے وی حوالے کر ڈیتا گئیا ھِ جبکہ معلومات دی فراہمی واسطے ادارہ شماریات اچ خصوصی سیل وی قائم کر ڈیتا گئیا ھِ جو الیکشن کمیشن کوں بروقت معلومات تے سہلت فراہم کریسی تاکہ حلقہ بندیاں دا کم بلا کہیں تعطل دے جاری رہ سکے۔
