آئی ایس آئی تجھے سلام

تحریر: شجاع اختر اعوان

دنیا بھر کے خفیہ اداروں کے بارے میں شائع ہونے والی ایک رپورٹ کے مطابق پاکستانی خفیہ ایجنسی آئی ایس آئی کو کارکردگی ، پیشہ وارانہ مہارت اور پلاننگ و قابلیت کی لحاظ سے دنیا کا نمبر1 خفیہ ادارہ قرار دیا گیا ہے۔ دنیا کی دس بہترین ایجنسیوں کی تازہ ترین فہرست ایک غیر ملکی جریدے نے شائع کی جس کے مطابق آئی ایس آئی پہلے نمبر پر جبکہ امریکن سی آئی اے دوسرے پر،برطانیہ ایم آئی سکس تیسرے پر، روسی ایف ایس بی چوتھے نمبر پر،جرمنی کی بی این ڈی پانچویں نمبر پر، انڈین را ء چھٹے ،فرانس کی ڈی جی ایس ای ساتویں ، اسٹریلیا کی اے ایس آئی ایس آٹھویں جبکہ چین کی ایم آئی ایس ایس نویںاور بدنام زنامہ اسرائیلی موساد دسویں نمبر پر رہیں ۔ اس سے قبل بھی گزشتہ دس سالوں سے خفیہ اداروں کی کارکردگی ، اہلیت ، قابلیت ، پیشہ وارانہ مہارت پر شائع شدہ رپورٹس میں آئی ایس آئی کو بہترین ایجنسی قراردیا جاتا رہا ہے۔ آئی ایس آئی دنیا کی کامیاب ترین خفیہ ایجنسی ہے اور جہاں پاکستان کا نام لیا جاتا ہے وہاں آئی ایس آئی کا نام ضرور آتا ہے۔ یہ دونوں لازم و ملزوم ہیں۔ آئی ایس آئی کی کامیابیوں اور کارناموں کی کہانیاں ان گنت ہیں بہت ہی کم لوگ جانتے ہیں کہ آج جس انٹیلی جنس ادارے کو پاکستان کی آنکھ اور کان قرار دیا جاتا ہے اور پاکستان اور اسلام کے دشمن اس سے خطرہ محسوس کرتے ہیں اس کا قیام 1948 ء میں اس وقت کے ملٹری انٹیلی جنس ڈائریکٹر شاہد حمید اور ڈیفینس سیکریٹری میجر جنرل (ر)سکندر مرزا کی ہدایت پر رکھا گیا ۔ کسی بھی ملک کے قومی انٹیلی جنس ادارے کا کام دشمن کی چالوں، خفیہ سازشوں اور ملک کو درپیش خطرات کو قبل از وقت بے نقاب کرکے ملک کا بلواسطہ طور پر تحفظ کرنا ہوتا ہے۔ آئی ایس آئی نے یہ کردار خوب نبھائے ہیں ۔ ملک کو درپیش خطرات اندرونی ہو ں یا بیرونی ، دہشت گردی ، شدت پسندی کی لہر ہو یا کراچی میں دشمن کی سازشیں قبائلی اور شمائلی علاقوںمیں غیر ملکی گٹھ جوڑ یا سقوط ڈھاکہ میں دو لخت ملک کی منتشر قوم کو سنبھالا دینے کا مسئلہ ۔ افغان جنگ کے دو طویل ترین ادوار ہوں یا دشمن کی دیگر سازشیں سب معاملات میں آئی ایس آئی کی کا کردگی بے مثل اور بے مثا ل رہی ہے۔ پاکستان اور اسلام کے خلاف کام کرنے والے دنیا بھر کے خفیہ اداروں کے خلاف آئی ایس آئی سیسہ پلائی دیوار ہے۔ بے پناہ وسائل کے باوجود ترقی یافتہ اور خود کو جنگوں کے پہلوان سمجھنے والے ممالک کی ایجنسیاں بے پناہ وسائل ہونے کے باوجود آج تک آئی ایس آئی پر اپنی سبقت ثابت نہیں کر سکیں۔ حالانکہ ان تمام ممالک سے ہر ایک کا دفاعی بجٹ پاکستان کے درجنوں سالوں کے مجموعی بجٹ سے بھی زیادہ ہے اور ان کے خفیہ اداروں کی مراعات پاکستانی اہلکاروں کے مقابلے میں ہزاروں گناہ زیاد ہ ہیں امریکہ ، اسرائیل ، روس ، فرانس ، برطانیہ، انڈیا و دیگرکے پاس جاسوسی کے لیے سیٹلائٹ نظام موجود ہے۔ جو کہ ہزاروںمیل دور سے سمندروں کی تہہ تک نظر رکھ سکتا ہے۔ کمپیوٹر ٹیکنالوجی کے مقابلے میں یہ ممالک بہت آگے ہیں دنیا بھر کے موبائل فونز انٹر نیٹ ، کمپیوٹر اور کمیونیکیشن کے پروگرام پوری طرح ان کی مٹھی میں ہیں۔ اس کے باوجود ہماری آئی ایس آئی قابلیت ، اہلیت ، کارکردگی ، پلاننگ بلکہ ہر شعبہ میں پیشہ وارانہ مہارت میں دنیا بھر میں پہلے نمبر پر ہے۔ اور صرف آئی ایس آئی اور پاک فوج ہی ہیں جن کی وجہ سے آج اس ملک کا وجود سلامت ہے۔ ہر محب وطن پاکستانی اپنی خفیہ ایجنسی آئی ایس آئی ارو پاک فوج پر فخر محسوس کرتاہے اور دل و جان سے ان اداروں کی قدر کرتا ہے۔ اور ان کے شانہ بشانہ کھڑا ہے اور ان اداروں کی عظمت کو سلام پیش کرتا ہے۔