سوشل میڈیا تے جواب نی ڈیونڑاں چاھیدا، کل مشاورت دے بعد ٹرمپ دے ٹویٹ دا جواب ڈیسوں، خواجہ آصف
اسلام آباد(سرائیکی نیوز) وفاقی وزیر خارجہ خواجہ آصف نے آکھے کہ ٹرمپ دی ٹویٹ کوں ونجیدہ گھیندے پئے ھیں کل مشاورت دے بعد ٹرمپ دے ٹویٹ دا جواب ڈیتا ویسی۔
نجی ٹوی وی چینل نال گالھ مہاڑ کریندے ہووے خواجہ آصف دا آکھن ھا کہ امریکی صر دے بیان تے سوشل میڈیا جواب نی ڈیون چاھندے اساں چاھندے ھیں کہ ایہو جئے بیانات نال خطے دا امن متاثر نا تھئی ونجے انہاں دا آکھن ھِ کہ سرحداں دے دفاع کیتے ہمہ وقت تیار رھاونڑاں چاھیدا ھِ پاکستان دے مفادات دا تحفظ اساڈی اولین ترجیح ھِ اساں قومی مفادات اچ فیصلے کریسوں۔ ایں توں قبل ھک ڈوجہے مقامی چینل نال گالھ مہاڑ کریندے ہووے خواجہ آصف دا آکھن ھا کہ امریکی صدر ڈونلڈ ٹرمپ افغانستان اچ اپنڑی ناکامی تے مایوسی دا شکار ھن ایں واسطے پاکستان تے الزامات عائد کریندے پئین ایں واسطے پاکستان تے الزامات لاون دا سلسلہ بنڑائی پئن وزیر خارجہ نے ڈسایا کہ امریکی صدر ٹرمپ دے پاکستان توں متعلق ٹوئٹ تے وزیر اعظم شاہد خان عباسی دے نال تبادلہ خیال کیتا گئے
خواجہ آصف نے امریکی صدر دے دعوے کوں مسترد کریندے ہووے آکھیا کہ ڈونلڈ ٹرمپ نے غلط بیانی نال کم گھیدے امریکا نا اساں کوں خدا دے واسطے امداد نی ڈیتی بلکہ ایں نے دہشت گردی دے خلاف جنگ اچ اساڈی زمین ، اساڈیاں سڑکاں اساڈی فضائی حدود تے اساڈی ریلوے استعمال کیتی ھِ
انہاں آکھیا کہ امریکا اساں کوں جو امداد ڈیندا ھا ایندا باقاعدہ آڈت تھیندا ھا تے اساں امریکا کوں ھک ھک پائی دا سرعام حساب ڈیون کیتے تیار ھیں
انہاں دا آکھن ھا کہ ٹرمپ پاکستان دی طرفوں دہشت گردی دے خلاف جنگ اچ فراہم کیتی ونجن والی سروسز دے معاوضے کوں وی امداد اچ شامل کیتا ھِ امریکا دی طرفوں پاکستان دے شہری علاقیاں اچ ٹرون حملیاں توں متعلق پچھے گئے سوال تے وزیر خارجہ خواجہ آصف نے آکھیا کہ جئیں ویلے ایہو جیا موقع آئسی تاں اپنڑیں سر زمین دی حفاظت کریسوں تے امریکا کوں حملے دا بھرپور جواب ڈیسوں۔
امریکی صدر دی طرفوں نو مور دے حوالے نال خواجہ آصف نے آکھئے کہ اساں امریکا کوں پہلے ہی نو مور آکھ چکے ہیں لہذا آساڈے بیان دے بعد ٹرمپ دے نومور دی کوئی اہمیت نی رہاندی انہاں دا آکھن ھِ کہ اساڈی خارجہ پالسیی پاکستان دے مفاد دے گرد گھومدی ھِ خواجہ آصف نہ آکھیا کہ ٹرمپ افغانستان اچ امریکی ناکامیاں دی وجہہ توں مایوسی دا شکار ھِ امریکا افغانستان اچ بند گلی اچ پھنس گئے تے اپنڑی ناکامی دا غصہ ول ول پاکستان تے لہیندا پئے لیکن امریکا کوں افغانستان اچ اپنڑی ١٥ سالہ ناکامیاں دا حساب اپنڑیں لوگاں توں گھنڑاں چاھیدا ھِ انہاں دا آکھن ھا کہ امریکا کوں چاھیدے کہ افغانستان اچ فوجہ طاقت دی بجائے طالبان دے نال مذاکرات دا رستہ بنڑاوے۔افغانستان ایں مسئلے دے حل ایندے ہمسایاں کول ھِ
