اسلام آباد(سرائیکی نیوز) پچھلے سال جیویں کیویں عوام نے گزارا کیتا نویں سال دا تحفہ پن چکی نال پیدا تھیون والی بجلی دی قیمت ودھاون تے پیٹرولیم مصنوعات اچ ٤ توں ٦ روپے تک اضافہ کرن دی سمری اگئی تے کر ڈیتی گئی۔ عوام نوین سال اچ مہنگائی دے جھٹکیاں توں رھاون باخبر ، تفسیل دے مطابق ملک اچ سستی پن بجلی مہنگی کرن دا ھک بیئا منصوبہ شامنڑیں آ گیا سینٹرل پاور پرچیزنگ ایجنسی نے نیپراں کوں آزاد پتن پن بجلی منصوبے دا ٹیرف ساڈھے اٹھ روپے فی یونٹ منگ گھیدا سی پی پی دی طرفوں جمع کرائی ونجن والی درخواست اچ ڈسایا گئیا ھِ کہ 700 میگاواٹ دا پن بجلی منصوبہ آزاد کشمیر اچ لایا ویسی ، جیندے تے 150 روپے توں ودھ لاگت آسی۔
ایں توں پہلے رواہ مہینے کوہالہ پن بجلی منصوبے دا ٹیرف وی ڈھا توں ڈو پیسے منگا ھا جیندے تے نیپرا دا فیصلہ محفوض رکھا ھِ اتھارٹی دا ٹیرف دے حوالے نال زارت پانڑی تے عوام عوام توں ست روز دے اندر آراء طلب کر گھیدی ھِ جیندے بعد ٹیرف اچ تبدیلی دی منظوی ڈیتی ویسی۔ اوگرا نے پیٹرولیم مصنوعات وی نویں سال دی آمد اچ پیٹرول دی قیمتاں اچ چار روپے توں گھن تے چھی روپے تک اضافہ کرن دی درخواست کر ڈیتی۔ غربت دی چکی اچ پیسی عوام ھن مزید مہنگی بجلی تے پیٹرول گھنن تے مجبور ہوسی۔ واضح رھاوے گزشتہ ١٠ سالاں دے دوران پاکستان اچ روزہ مرہ استعمال تھیون والی اشیاء اچ ہر روز اضافہ تھیندا گئے جیندی شرح 200 فیصد توں ود تے 250 فیصد تک تھئی گئی ھِ تے غریب زندہ رھاون واسطے مہنگائی چیزاں دی خریداری تے مجبور ھن۔
