اسلام آباد (سرائیکی نیوز) وفاقی حکومت دا اسحاق ڈار دی جگہ نواں وزارت خزانہ چلاوݨ واسطے نویں شخصیت لبھ گھیدی، مفتاح اسمعیل کوں مشیر خزانہ مقرر کرن دا نوٹی آرڈر جاری کر ڈیتا گئیا
وفاقی وزیر خزانہ اسحق ڈار علالت دے باعث بیرون ملک مقیم ھن جبکہ انہاں دے خلاف آمدن توں زیادہ اثاثے بنڑاون دا نیب ریفرنس اچ کیس وی احتساب عدالت اچ چلدا پئے ، وفاقی حکومت دا اسحق ڈار دی جگہ وزرات خزانہ مفتاح اسمعیل دے حوالے کرن دا فیصلہ کر گھیدا ، انہاں کوں وزیر اعظم دا مشیر خزانہ بنڑایا گئیا جبکہ تقرری دا نوٹیفیکیشن وی جاری کر ڈیتا گئیا ۔
کیبنٹ سیکرٹریٹ توں جاری نوٹی فکیشن دے مطابق مفتاح اسمعیل دا عہدہ تے مراعات وفاقی وزیر دے برابر ہوسن دا نوٹیفکیشن دا اطلاق فوری طور تے تھیسی ۔ واضح رھاوے کہ وفاقی وزیر خزانہ اسحاق ڈار نے تاحال استعفی نی ڈیتا جبکہ احتساب عدالت مسلسل غیر حاضری تے انہاں کوں مفرور ملزم قرار ڈے چکی ھِ
