آن لائن قرضہ ایپلی کیشن توں اداھر گھنݨ والے ٤٢ سالہ شہری دی خود کشی دے معاملے اچ ایف آئی اے سائبر کرائم سیل نے ٩ گرفتار ملزمان کوں ٤ روزہ ریمانڈ تے ایف آئی اے سائبر کرائم سیل دے حوالے کر ڈیتا۔ ایف آئی اے سائبر کرائم سیل نے ٩ ملزمان دے جوڈیشل مجسٹریٹ مجتبی الحسن دی عدالت اچ پیش کیتا گئیا ملزمان اچ ڈو کال سینٹر دے نمائندے ، تریھ ٹیم لیڈر ، ݙو کوالٹی ٹیم لیڈر تے ڈو آپریشن منیجر شامل ھن۔ گرفتار ملزمان اچ معاذ طالب ، کاشان بشیر ، عبداللہ وحید ، محمد بلال ، حسنین صداقت ، محمد احمد ، افتخار رضا تے حازق عباسی شامل ھن۔
ایف آئی اے نے سائبر کرائم سیل دے تفتیشی افسر نے ملزمان دے ١٤ ڈینھ دے جسمانی ریمانڈ دی استدعا کریندے ہووے آکھیا کہ فنانشل سروسز تے سرمایہ مائیکرو فنانس مختلف کمپنیاں دے ملازمین تے عوام کوں بلیک میل کریندے ھن تے انہاں دی بلیک میلنگ تے دھمکیاں توں تنگ آ تے محمد مسعود نے خود کشی کر گھدیی ۔ تفتیشی افسر آکھیا کہ ملزمان دے دیگر ساتھیاں دی گرفتاری انہاں دے جرم اچ کردار تے موبائل فوناں دی برآمدگی کرݨ باقی ھِ جبکہ متوفی محمد مسعود کوں جو واٹس اپ کر تے دھمکیاں ڈیتی گئیاں انہاں دا وی سراغ لاونڑاں ھَ ملزمان دے وکی نے جسمانی ریمانڈ دی مخالفت کریندے ہووے انہاں کوں بری کرݨ دی استدعا کریندے ہووے آکھیا کہ ایف آئی اے نے انکوائری نی کیتی بلکہ سوشل میڈیا تے خبر چلی تے ایف آئی اے نے مقدمہ درج کر گھیدا۔
عدالت نے ملزمان کوں بری کرݨ دی استدعا کوں مسترد کریندے ہووے انہاں دے چار روزہ جسمانی ریمانڈر تے ایف آئی اے دے حوالے کر ڈیتا۔
