9 مئی دا ڈینھ سیاہ باب دے وانگ یاد رکھا ویسی، عمران خان دی گرفتاری دے بعد ھنگامیاں تے آئی ایس پی آر دا رد عمل
اسلام آباد ۔ ترجمان پاک فوج نے چیئرمین پی ٹی آئی عمران خان دی گرفتاری دے بعد ھنگامیاں تے آرمی دی املکا تے کیتے ونجݨ والے حملیاں تے سخت رد عمل دا اظہار کیتا ھِ ، پاک فوج دے شعبہ تعلقات عامہ دا آکھݨ ھا کہ ٩ مئنی دا ڈینھ سیاہ باب وانگ یاد رکھا ویسی ، جو کم ملک دے ابدی دشمن ٧٥ سال اچ نہ کر سکے او اقتدار دی ھوس اچ مبتلا ھک سیاسی لبادے اچ لُکے ایں گروہ نے کر ڈیکھایا ھِ
چیئرمین پی ٹی آئی کوں کل ھائی کورٹ توں قانون دے مطابق حراست اچ گھیدا گئیا گرفتاری دے فورا بعد منظم طریقے نال آرمی املاک ، تنصیبات دے حملے کرائے گئے عمران خان دی گرفتاری دے بعد فوج مخالف نعری بازی کرائی گئی ، پاک فوج دے ترجمان نے مزید آکھا کہ جو سہولت کار ، منصوبہ ساز تے سیاسی بلوائی انہاں کارروائیاں اچ ملوث ھن انہاں دی شناخت کر گھیدی گئی ھِ تے انہاں دیخلاف قانون دے مطابق سخت کارروائی کیتی ویسی۔ فوج بشمول تمام قانون نافذ کرݨ والے ادارے ، فوجی و ریاستی تنصیبات تے املکا تے کہیں وی مزید حملے دی صورت اچ شدید رد عمل ڈیتا ویسی۔ آئی ایس پی آر نے مزید آکھیا کہ آرمی دے میچور رسپانس نے ایں سازش کوں ناکام بنڑاں ڈیتا۔ اساں کوں چنگی طرح علم ھِ کہ ایندے پچھوں پارٹی دے کجھ شرپسند لیڈر شپ دے احکامات دی ھدایات تے مکمل پیشگی منصوبہ بندی ھائی تے ھِ
آئی ایس پی آر نے آکھیا کہ فوج نے انتہائی تحمل، بردباری دا مظاہرہ کیتا تے اپنڑی ساکھ دی وی پروا نہ کریندے ہووے ملک دے وسیع تر مفاد اچ انتہائی صبر تے برداشت نال کم گھیدا ایندے علاوہ سابق صدر تے پاکستان پیپلزپارٹی دے شریک چیئرمین آصف زرداری نے وی چیئرمین پی ٹی آئی عمران خان دی گرفتاری تے شہراں اچ ھنگامہ آرائی تے رد عمل ڈیتا ھِ ۔ انہاں نے آکھیا کہ عمران خان دی گرفتاری دے بعد شہاراں اچ ہنگامہ آرائی قابل افسوس ھِ ۔ ١٤ سال جیل اچ رھا لیکن کہیں کڈھیں جیالیاں کوں قانون ہتھ اچ گھنݨ دی اجازت نہ ڈیتی۔ سرکاری املاک ، انتشار کھنڈاوݨ والے عمل کوں برداشت نہ کیتا ویسی۔ آصف زرداری نے آکھیا کہ عمران خان کوں کرپشن کیش اچ گرفتار کیتا گئیا ھِ
