صادق سنجرانی چیئرمین سینیٹ منتخب، راجہ ظفرالحق کوں شکست

اسلام آباد(سرائیکی نیوز۔عمران عباس) صادق سنجرانی چیئرمین سینیٹ منتخب، راجہ ظفرالحق کوں شکست، تفصیل دے مطابق صادق سنجرانی چیئرمین سینیٹ منتخب تھئی گئے ، راجہ ظفر الحق کوں شکست دا سامنڑاں کرنا پئے بلوچستان پینل دے امیدار نے 57 جبکہ مسلم لیگ ن دے سینئر رکن کوں 46 ووٹ حاصل تھئے ، بلوچستان نال تعلق رکھن والے نو منتخب سینیٹر نے اپنڑیں عہدے دا حلف چا گھیدا انہاں توں پریزائیڈنگ آفیسر سردار یعقوب ناصر نے حلف گھیدا۔بلوچستان دے ضلع چاغی نال تعلق رکھن والے صادق سنجرانی نے چیئرمین سینیٹ منتخب تھیون دے بعد ایوان اچ جئے بھٹو تے ھک زرداری سبھ تے بھاری دے نعرے لا ݙیتے، کامیابی دے بعد نو منتخب چیئرمین نے مخالف امیدوار راجہ ظفر الحق نال مصافحہ کیتا۔ نو منتخب چیئرمین سینیٹ صادق سنجرانی کوں پیپلز پارٹی ، پی ٹی آئی ایم کیو ایم تے آزاد کارکناں دی حمایت حاصل ھائی۔ چیئرمین سینیٹ کیتے پولنگ دا عمل مکمل تھئی گئیا اسحاق ڈار دے علاوہ 103 ارکان نے اپنڑیں ووٹ کاسٹ کرا ݙیتا ووٹاں دی گنتری دے بعد نویں منتخب تھیون والے چیئرمین سینیٹ دا اعلان کر ݙیتا گئیا ۔ ایں عہدے کیتے بلوچستان پینل دے صادق سنجرانی تے ن لیگ راجہ ظفر الحق دے درمیان مقابلہ ھا۔ایں توں قبل ایوان بالا دے نو منتخب 52 اراکین نے اج حلف چا گھیدا شام ٤ وجے چیئرمین سینیٹ دے انتخابات کیتے پولنگ شروع تھئی سابق وزیر خزانہ سینٹر اسحاق ڈار ملک توں باہر ھن۔ انہاں دے علاوہ تمام 103 اراکین نے اپنڑاں ووٹ ݙیتا۔

نمائندہ سرائیکی نیوز دے مطابق سینیٹ دے انتخابات کیتے ووٹنگ دے دوران وی ن لیگی سینیٹر مشاھد اللہ اراکین نال ملاقاتاں تے جوڑ توڑ کریندے رہے جبکہ وفاقی وزیر سعد رفیق ، طلال چوہدری تے مریم اورنگزیب وی ایوان اچ موجود ھائی۔جیئں تے اپوزیشن اراکین نے برھمی دا اظہار کیتا۔