9 مئی کوں توڑ پھوڑ دے منصوبہ سازاں، حملہ آوراں کوں کٹھہرے اچ گھن آیا ویسی، آرمی چیف

9 مئی کوں توڑ پھوڑ دے منصوبہ سازاں، حملہ آوراں کوں کٹھہرے اچ گھن آیا ویسی، آرمی چیف

چیف آف آرمی اسٹاف جنرل عاصم منیر خبردار کریندے ہووے آکھیا ھِ کہ مسلح افواج اپنڑیں تنصیبات دی توقیر تے سلامتی دی مزید خلاف ورزی برداشت نہ کریسی تے ٩ مئی دے یوم سیاہ کوں تھیوݨ والے جلاو گھیراو دے منصوبہ سازاں اشتعال ڈلاوݨ تے حملہ کرݨ والیاں کوں انصاف دے کٹھہرے اچ گھن آیا گیا۔

پاک فوج دے شعبہ تعلقات عامہ (آئی ایس پی آر ) دی طرفوں جاری بیان دے مطابق چیف آف آرمی اسٹاف جنرل عاصم منیر نے کور ھیڈ کوارٹرز پشاور دا دورہ کیتا تے افسران نال خطاب کیتا، آئی ایس پی آر نے ڈسایا کہ آرمی چیف نے قومی سلامتی کوں درپیش خطرات دے حوالے نال گالھ کیتی ۔ انہاں آکھیا کہ اساں امن تے استحکام پاروں اپنڑیں جدوجہد جاری رکھیسوں تے ایندے عمل کوں نقصان پھجاوݨ دا کوئی موقع نا ڈیتا ویسی۔

بیان اچ آکھا گئیا کہ آرمی چیف کوں انسداد دہشت گردی پاروں جاری کوششاں تے سیکیورٹی دی صورتھال تے بریفنگ ڈیتی گئی ۔ آئی ایس پی آر دے مطابق آرمی چیف نے دہشت گردی دیے خلاف جاری جنگ اچ قانون نافذ کرݨ والے اداریاں دی پیشہ ورانہ صلاحیت ، کارکردگی تے کامیابیاں کوں سراھا۔ بیان اچ آکھا گئیا کہ چیف آف آرمی اسٹاف نے انفارمیشن وار فیئر تے غلط تصور پیدا کرݨ دی کوشش دے چیلنجز دے بارے اچ اگاہ کیتا۔ آعی ایس پی آر نے آکھا کہ آرمی چیف نے ایں گالھ کوں وی نمایاں کیتا کہ دشمن عناصر دی طرفوں مسلح افواج کوں نشانہ بنڑاوݨ دی مذموم کوشش کیتی ویندی پئی ھِ ۔ آرمی چیف جنرل عاصم منیر نے عوام دے تعاون نال ایں قسم دی مذموم کوشش کوں ناکام بنڑاوݨ دا عزم دھرایا۔ ایں توں پہل چیف آف آرمی اسٹاف جنرل عاصم منیر کوں کور کمانڈر پشاور نے استقبال کیتا۔ خیال رھاوے کہ آئی ایس پی آر نے ١٠ مئی کوں جاری بیان اچ پاکستان تحریک انصاف دے چیئرمین عمران خان دی گرفتاری دے بعد احتجاج دے دوران فوجی املاک کوں نشانہ بنڑاے ونجݨ تے ٩ مئی کوں سیاہ باب قرار ڈیتا ھا ۔ بیان اچ آکھا گئیا ھا کہ چیئرمین پی ٹی آئی کوں نیب اعلامیے دے مطابق اسلام آباد ھائی کورٹ توں قانون دے مطابق حراست اچ گھن گھیدا گئیا ایں گرفتاری دے فوری بعد ھک منظم طریقے نال فوج دی املاک تے تنصیبات تے حملے کروائے گئے تے فوج مخالف نعرے بازی رکوائی گئی ۔ آئی ایس پی آر دا آکھݨ ھا کہ ٩ مئی دا ڈینھ ھک سیاسہ باب دے وانگ یاد رکھا ویسی۔

 

Leave a Reply

Your email address will not be published. Required fields are marked *