نشتر ہسپتال اچ بالاں کوں ویکسین دے ذریعے بیماریاں توں بچاون دے بارے سیمینار
ملتان (سرائیکی نیوز) ڈسٹرکٹ ہیلتھ ملتان دی زیر اہتمام ہیلتھ کنونشن دے سلسلے اچ پبلک ہیلتھ نرسنگ سکول نشتر ہسپتال اچ بالاں کوں ویکسین دے ذریعے بیماریاں توں بچاون دے بارے سیمینار منعقد تھئے جیندا افتتاح ڈپٹی میئر حاجی سعید احمد انصاری نے کیتا ایں موقع تے ڈسٹرکٹ ہیلتھ آفیسران ڈاکٹر علی مہدی ، ڈاکٹر حبیب الرحمن ، داکٹر ایاز احمد غوری پرنسپل پبلک ہیلتھ نرسنگ سکول ڈاکٹر فرزانہ تبسم ، نرسنگ سپرنٹنڈنٹ زاہدہ پروین ، ڈاکٹر عطا الرحمن تے دیگر وی موجود ھن سیمینار توں خباب کریندے ہووے ڈسٹرکٹ ہیلتھ آفیسر ڈاکٹر حبیب الرحمن نے آکھیا کہ بال اساڈا اثاثہ ھن انہاں کوں بیماریاں توں بچاون تے صحت مند بنڑاون اساڈی منزل ھِ انہاں نے آکھیا کہ حکومت پنجاب بالاں کوں تندرست تے توانا بنڑاون واسطے تمام وسائل عمل اچ گھن آسی، حکومتی انقلابی اقدامات دی تشہیر واسطے ہر شہری اپنڑاں کردار ادا کرے ، داکٹر ایاز احمد غوری نے آکھے کہ ہر شہری اپنڑیں بالاں دی ویکسین ضرور کرواوے۔ اساڈیاں ٹیماں بالاں کوں ہر جاء دیہات شہر اچ بیماریاں توں بچاو دی ویکسین فراہم کریندے ودی ھِ انہاں نے آکھیا کہ 2018 اچ حکومت پنجاب خناق ، کالی کھانسی تے تشنج توں چار توں ٥ سالہ بالاں کوں بچاون واسطے بوسٹر ڈوز لائیندی پئی ھِ جیندے نال حکومت پنجاب دا 445 ملین دا اضافی خرچہ تھیسی ، سیمینار اچ پرنسپل پبلک ہیلتھ نرسنگ سکول ڈاکٹر فرزانہ تبسم نے وی خطاب کیتا۔
