اسلام آباد ہائی کورٹ نے انتخابی بل دی دفعات معطل کر ڈیتی
کیس دی سماعت جسٹس عامر فاروق نے کیتی ، اسلام آباد ہائی کورٹ نے الیکشن کمیشن دی طرفوں جاری کیتا گئیا نوٹس معطل کر ڈیتا نوٹس الیکشن ایکٹ ڈو ہزار سترہ دی شق ڈو سو ڈو دے تحت جاری کیتا گئیا ھا
اسلام آباد (سرائیکی نیوز) ہائی کورٹ نیں انتخابی اصلاحات بل ڈو ہزار ستاراں اچ سیاسی جماعتاں واسطے ڈو ہزار ممبران دی لازمی شرط توں متعلق الیکشن ایکٹ دی دفعات ڈو سو ڈو تے ڈو سو چار معطل کر ڈیتیاں، تفصیل دے مطابق چار سیاسی جماعتاں نے بل دی ھک دفعات اسلام آباد ہائی کورٹ اچ چیلنج کیتیاں ھن درخواست گزاراں دا موقف ھا کہ بل اچ شامل اے دفعات آئین پاکستا نتے بنیادی انسانی حقوق دے متصادم ھن کیس دی سماعت جسٹس عامر فاروق نے کیتی ، اسلام آباد ہائی کورٹ نے الیکشن کمیشن دی طرفوں جاری کیتا گئیا نوٹس معطل کر ڈیتا نوٹس الیکشن ایکٹ ڈو ہزار سترہ دی شق ڈو سو ڈو دے تحت جاری کیتا گئیا ھا ، الیکشن کمیشن نے نوٹس گھیندے ہووے سیاسی پارٹیاں کوں ڈو ڈو لکھ روپے جمع کرواون دی ہدایت کیتی گئی ھائی نوٹس اچ جماعتاں کوں ڈو ہزار کارکناں دے شناختی کارڈ جمع کراون دی وی ہدایت کیتی گئی ھائی عدالت نے الیکشن کمیشن سمیت دیگر فریقین کوں نوٹس جاری کریندے ہووے جواب طلب کر گھیدے، اسلام آباد ہائی کورٹ اچ کیس دی سماعت نوں جنوری تک ملتوی کر ڈیتی گئی ھِ
