ایچ ایس سی پنجاب دا وائس چانسلراں کوں ایچ ایس سی دے کل لاہور اچ تھیون والے اجلاس توں روک ڈیتا
لاہور(سرائیکی نیوز) حکومت پنجاب نے سرکاری سطح تے ہائر ایجوکیشن کمیشن پاکستان کوں مسترد کر ڈیتا ھِ تے صوبے دے تمام سرکاری یونیورسٹیاں دے وائس چانسلراں کوں ایچ ای سی دے کہیں وی اجلاس اچ شرکت کرن توں روک ڈیتا ھِ ہائر ایجوکیشن کمیشن پاکستان دے تحت کل چار جنوری کوں لاہور اچ پاکستان دے چاریاں صوبیاں دی یونیورسٹیاں دے وائس چانسلر دا اجلاس تھیدنا پئے جیندے اچ پنجاب حکومت نے سرکاری طور تے بائیکاٹ کر ڈیتا ھِ محکمہ ہائر ایجوکیشن پنجاب دا یونیورسٹیاں دے وائس چانسلراں کوں بذریعہ فون ایں اجلاس اچ شرکت کرن توں روک ڈیتا ھِ ایں ضمن اچ محکمہ ہائر ایجوکیشن نے وائس چانسلراں دے ناں مراسلہ وی جاری کیتا ھِ ایں مراسلے اچ آکھیا گئے کہ اٹھارویں ترمی دے بعد وفاقی ایچ ای سی او تے صوبائی ایچ ای سی دا معاملہ مشترکہ مفادات کونسل دے کول ھِ ایں تے تاحال کوئی واضح ہدایات جاری نی کیتی گئی مراسلے اچ وائس چانسلر کوں حکم جاری کیتا گئیا ھِ کہ گورنر پنجاب (چانسلر) توں تحریری اجازت دے بغیر کہیں وی یونیورسٹی دے وائس چانسلر نے ایچ ای سی پاکستان دے اجلاس اچ شرکت کیتی تاں انہاں دے خلاف قانونی کارروائی کیتی ویسی ۔ پنجاب حکومت دی طرفوں سرکاری طور تے ایچ ای سی دا بائیکاڑ کرن تے کمیشن دے چیئرمین ڈاکٹر مختار احمد نے افسوس دا اظہار کریندے ہووے آکھیے کہ اے فیصلہ جلد بازی اچ کیتا گئیا ھِ تے اے پاکستان کوں اعلی تعلیم دے اہم ترین معاملے تے تقسیم کرن دے مترادف ھِ ڈاکٹر مختار دا آکھن ھا کہ صوبائی ایچ ای سی کوں مضبوط کرن نال وفاق دی حیثیت تے منفی اثر پوسی تے اساں ایں طرح تقسیم تھئے ویسوں تاں بین الاقوامی سطح تے پاکستان دی ڈگریاں دی قبولیت دا مسئلہ وی پیدا تھیون دا خطرہ رھاسی چیئرمین ایچ ای سی دا آکھن ھا کہ کل لاہور اچ تھیون والے اجلاس اچ وائس چانسلر کمیٹی دے افراد شرکر کریندے پئے ھن تے ایں اجلاس دا مقصد پنجاب ایچ ای سی دے خلاف کوئی فیصلہ کرن نا ھا بلکہ اٹھارویں ترمیم دے بعد ایں اہم ترین معاملے تے وائسچانسلر توں وی رائے جمع کتیاں ویندن۔ انہان نے آکھے کہ اساں کوں مل تے قومی کاز دے تحت فرائض نبھاونڑیں ہوسن کہ او قومی ہم آہنگی واسطے اپنڑاں موثر کردار ادا کریندے رھاسن۔
ڈاکٹر مختر احمد دا آکھن ھا کہ کل تھیون والا اجلاس شیڈول دے مطابق تھیسی تے ایں اجلاس اچ پاکستان دی سرکاری جامعات دے وائس چانسلر وی شرکت کریسن تاہم پنجاب توں وائس چانسلر دی طرفوں شرکت نا تھیون تے منفی اثرات مرتب تھیسی واضح رھاوے کہ آئین اچ اٹھارویں ترمیم دے بعد ایچ ای سی پاکستان دے اختیارات تے صوبائی ایچ ای سی دے اختیارات تے قانونی جنگ جاری رھاسی تے ایں اہم ترین قومی مسئلے کوں مشترہ مفادات کونسل دے متعدد اجلاساں اچ حل نی کیتا ونج سکدا
