اسلام آباد( سرائیکی نیوز) اگلے سال حج تے ونجن دے خواہشمنداں واسطے نویں خبر آ گئی حج دا سفر 40 ڈنہیں دی بجائے 30 ڈنہیں ہوسی جبکہ اخراجات گزشتہ سال جتنے ھی رھاسن۔ وفاقی وزیر مذہبی امور دا نویں حج پالیسیاں دا اعلان کر ڈیتا، سردار یوسف دا اسلام آباد اچ نیوز کانفرنس دے دوران ڈسایا گئیا کہ پاکستان دا حج کوٹہ ھک لکھ 80 دے نیڑے تھئیا ھک لکھ 20ھزار عازمین کوں سرکاری اسکیم دے تحت حج کروایا ویسی، سرکاری اسکیم دے تحت حج درخواستاں 15 توں 24 جنوری تک وصول کیتیاں ویسن جبکہ قرعی اندازی 26 جنوری کوں ھی کر ڈیتی ویسی ۔ وفاقی وزیر دا آکھن ھا کہ ایں سال حج تے ونجن والیاں دا سفر چالہی دی بجائے تریھ ڈنہیں دا ہوسی، حج دے اخراجات گزشتہ سال وانگوں ٢ لکھ ٧٠ توں ٨٠ ھزار دے درمیان ہوسن تاہم قربانی دی رقم ایندے علاوہ ڈیونڑی ھوسی۔ سردار یوسف دا آکھن ھا کہ گزشتہ تریھ سال دے دوران حج کرنوالا شہری درخواست نی ڈے سکدا، عازمین کون بہتر رہائشی سہولیات، ٹرانسپورٹ تے کھانا فرام کیتا ویسی۔
