میڈیکل کالجز فیس کیس سپریم کورٹ ٹرانسفر کرن دا حکم، نویں کالج دی رجسٹریشن بند

اج دے بعد فیس وصولی دا طریقہ کار عدالت عظمی طے کریسی وقت آ گئیا ھِ اساں ایں قوم کوں کجھ واپس کروں، چیف جسٹس ثاقب نثار خاتون وکیل کوں ٹیلی فون کال کرن والے فیصل آباد میڈیکل کالج دے وائس چانسلر ڈاکٹر فرید ظفر معطل، اج جواب طلب کر گھیدا گئیا ٹیلی فون کہیں بئے کم واسطے کتے گئے ڈاکٹر فرید ظفر ، میڈے سامنڑیں جھوٹ بولن دی جرات کیویں تھئی تساڈا ھالی کہیں جج نال پالا با پیا ھا، جج دے ریمارکس کہیں نے ہراساں کیتا تاں ساہ چھیک گھینسوں، خاتون وکیل دی طرفوں حراساں کرن دے خدشے دا اظہار کرن تے جسٹس ثاقب نثار دے ریمارکس ، سارے نجی میڈیکل کالج ست روز اچ کالجزاں دے اسٹرکچر ، لیب ، بینک اکاونٹ تے  دیگر سہولتاں توں متعلق تحریری رپورٹ جمع کرواون جو کالجز معیار تے پورا نا لہاسی انہاں کوں بند کر ڈیساں، یا ایہو جئے جرمانے کریساں  کہ مالکان کوں اپنڑیں گھر ویچنڑیں پئے ویسن، چیف جسٹس مقررہ مدت اچ تفصیلات فراہم نا کریسن تاں ھک لاکھ روپے جرمانہ تھیسی ، جسٹس میاں ثاقب نثار

لاہور(سرائیکی نیوز ) چیف جسٹس آف پاکستان جسٹس میاں ثاقب نثار نے پورے پاکستان دے میڈیکل کالجز فیساں دے کیس سپریم کورٹ ٹرانسفر کرن دا حکم ڈیندے ہووے آبزرویشن ڈیتی ھِ کہ اج دے بعد میڈیکل کالج دی فیس وصولی دا طریقہ کار سپریم کورٹ طے کریسی جبکہ چیف جسٹس نے زائد فیس منگن تے عدالت کوں آگاہ کرن والی خاتون وکیل کوں ٹیلی فون کال کرن والے فیصل آباد میڈیکل کالج دے وائس چانسلر ڈاکٹر فرید ظفر کوں توہین عدالت تے معطل کریندے ہووے اج جمعرات کوں جواب طلب کر گھیدے تمام نجی میڈیکل کالجز توں ست روز اچ کالجز دے اسٹرکچر لیب ، بینک اکاونٹس تے دیگر سہولتاں توں متعلق تحریری رپورٹ جمع کرواون دی ہدایت کریندے ہووے انہاں آکھیا کہ مقررہ مدد اچ تفصیل فراہم نا کیتی گئی تاں ھک لکھ روپے جرمانہ تھیسی سپریم کورٹ نے انتظامیہ کوں مزید نویں میڈیکل کالجاں دی منظوری ڈیون توں وی روک ڈیتا بدھ کوں سپریم کورٹ لاہور رجسٹری اچ  چیف جسٹس آف پاکستان جسٹس میاں ثاقب نثار دی سربراہی اچ ڈو رکنی بنچ نے نجی میڈیکل کالجاں دی طرفوں ودھا تے فیساں دے خلاف از خود نوٹس کیس دی سماعت کیتی ، عدالتی حکم تے میڈیکل کالجاں دے چیف ایگزیکٹو تے مالکان عدالت اچ پیش تھئے تاہم فاطمہ میموریکل میڈیکل کالج دے چیف ایگزیکٹو تے مالکان پیش نا تھئے دوران سماعت چیف جسٹس نے استفسار کیتا کہ میکوں کل ڈسایا گیا ھا کہ چھ لکھ توں 42 ہزار روپے فیس وصول کیتی ویندی پئی ھِ لیکن اج معلوم تھئے کہ نجی میڈیکل کالجاں توں ٩ لکھ توں زائد فیس وصول  کریندے پئن ہر نجی کالج فیس تے میرٹ دا اپنڑاں معیار بنڑان رکھا ھِ چیف جسٹس نے راشد لطیف میڈیکل کالج دی عمارت توں متعلق  ایل ڈی اے توں وضاحت طلب کریندے ہووے آکھیا کہ رہائشی علاقے اچ کیویں کالج بنڑایا گئیا ھِ چیف جسٹس دا نجی میڈیکل کالج مالکان کوں مخاطب کریندے ہوئے آکھیا کہ پہلے تاں میڈیکل طالب علم ھک ھی جا ہسپتال اچ مریض ڈیکھدے ھن کیا ھن انہاں پیسیاں اچ طالب علماں  کوں ونج تے مریض ڈکھیندن، وقت آ گئے کہ ھن اساں ایں قوم کوں کجھ واپس کروں، چیف جسٹس نے پوری پاکستان دے میڈیکل کالجاں توں فیسیاں دے کیس سپریم کورٹ ٹرانسفر کرن دا حکم ڈیندے ہووے آبزرویشن ڈیتی ھِ کہ اج دے بعد میڈیکل کالجاں دی فیساں دی وصولی دا طریق کار سپریم کورٹ طے کریسی تے آئندہ سپریم کورٹ دی طرفوں طے شدہ فیس ہی وصول کیتی ویسی پنج پنج کروڑ گھن تے کالجاں دا الحاق کیتا ویندا پئیا ھِ جبکہ اج کل دے ڈاکٹر کوں بلڈ پریشر چیک کرن نی آندا ، چیف جسٹس نے آکھیا کہ عدالت کوں ڈسایا ونجے کہ ھک طالب علم دی سالانہ کتنی فیس وصولی کیتی ویندی ھِ جئیں تے عدالت کوں ڈسایا گئیا کہ ھک طالب علم ١٨ لکھ روپے فیس دی مد اچ ادا کریندے ۔ چیف جسٹس پاکستان میاں ثاقب نثار نے آکھیا کہ  لاہور میڈیکل کالج دے بینک اکونٹ دی تفصیل پیش کیتی ونجے تے اے وی ڈسایا ونجے کہ غیر ملکی طالب علماں دی کتنی فیس وصول کیتی ویندی ھِ  سپریم کورٹ نے انتظامیہ کوں مزید نویں میڈیکل کالج دی منظوری ڈیون توں روک ڈیتا جبکہ عدالت نے فاطمہ میموریل میڈیکل اینڈ ڈینٹل کالج تے لاہور میڈیکل اینڈ ڈینٹنل کالج کوں وی نویں داخلیاں توں روک ڈیتا چیف جسٹس نے تمام نجی کالجاں کوں ست روز اچ بیان حلفی دے نال کالجاں دے اسٹرکر ، فیکلٹی لیب بینک اکاونٹس سہولیات توں متعلق تحریری رپورٹ جمع کرواون دی ہدایت کریندے ہووے مقررہ وقت اچ تفصیل فراہم نا کرن والیاں کوں ھک لاکھ روپے جرمانہ تھیسی ، فاضل بنچ نے مزید سماعت اج جمعرات تک ملتوی کر ڈیتی