اسلام آباد(سرائیکی نیوز) وزیر اعظم دی زیر صدارت کمانڈ اتھارٹی نے پاکستان دی کہیں قسم دی جارحیت نال نمٹن دی صلاحیت تے مکمل اعتماد دا اظہار کر ڈیتا ، قابل اعتماد کم توں کم دفاعی صلاحیت دی پالیسی تے کاربند رھاون تے ہتھیاراں دی دوڑ اچ شامل نا تھیون دے عزم دا اعادہ کیتا گئیا جوہری سلامتی دے کمانڈ این دے کنٹرول سسٹمز تے سیکورٹی دے متعلق اقدامات تے وی مکمل اظہار اہمینان کیتا گئیا اجلاس کوں نیشنل اسپیس پروگرام 2047 تے بجلی دی ودھدی ہوئی ضرورت کوں پورا کرن واسطے ڈونہاں پروگراماں دی مکمل توثیق کر ڈیتی گئی۔ نیشنل کمانڈ اتھارٹی دا اجلاس وزیر اعظم شاہد خاقان عباسی دی زیر صدارت تھیا اجلاس اچ وزیر دفاع ، وفاقی وزیر برائے داخلہ ، چیئرمین جوائنٹ چیف آف اسٹاف کمیٹی چیف آف آرمی اسٹاف ، چیف آف نیول اسٹاف ، چیف آف ایئراسٹاف ، ڈائریکٹر جنرل اسٹرٹیجک پلانز ڈویزن، ڈائریکٹر جنرل انٹر سروسز انٹیلی جنس ، سیکریٹری خارجہ امور تے دیگر سینئر حکام دی شرکت رہی۔ نیشنل کمانڈ اتھارٹی کوں اسٹرٹیجک انوائرمنٹ توں متعلق جامع بریفنگ ڈیتی گئی اجلاس اچ علاقائی سلامتی دی صورتحال دا جائزہ گھیدا گئیا تے ایں گالھ تے تشویش دا اظہار کیتا گئیا کہ پاکستان دے ہمسائیے اچ بعض
،عدم استحکام توں متعلق اقدامات دی وجہہ توں جنوبی ایشیا اچ تزویرائی استحکا کوں برقرار رکھن دا مقصد پورا نی تھیندا، وڈے پیمانے تے ہتھیاراں دی دوڑ ، بحر ہند دے خطے کوں ایٹمی ہتھیاراں توں لیسن کرن تے بی ڈی ایم دی تیاری تے تنصیب دے منصوبے شامل ھن ، این سی اے دا پاکستان دی کہیں وی قسم دی جہارحیت نال نمٹن دی صلاحیت تے مکمل اعتماد دا اظہار کیتا تے قابل اعتماد کم توں کم دفاعی صلاحیتاں دی پالیسی تے کاربند رھاون تے ہتھیاراں دی دوڑ اچ شامل نا تھیون دے عزم دا اعادہ کیتا ۔ این سی اے نے قومی دفائی صلاحیتاں کوں مظبوط بناڑون اچ اپنڑاں کردار ادا کرن تے سائنسداناں تے انجینئراں کوں مبارکباد ڈیتی تے بابر تھری ایس ایل سی ایم تے ابابیل میزائل سسٹم دے تجربات دے دوران سامنڑیں آون والی ٹیکنالوجیکل دی مہارت کوں سراہا، جیں توں پاکستان دی ترویرائی صلاحیتیاں دی تکنیکی مہارتاں دے نویں دور دا آغاز تھئے۔
اجلاس اچ ملک دے جوہری سلامتی دے نظام دی تفصیل توں جائزہ گھیدا گئیا تے ایندے کمانڈ اینڈ کنٹرول سسٹم تے سیکورٹی توں متعلق اقدامات تے مکمل اظہار کیتا گئیا اجلاس اچ ایں عزم دا اعادہ کیتا گئیا کہ پاکستان ھک ذمہ دار جوہری ملک دی حیثیت نال نیو کلیئر سیکیورٹی تے جوہری عدم پھیلاو توں متعلق عالمی کوششاں اچ بامقصد کردار جاری رکھیسی۔
۔
نیشنل کمانڈ اتھارٹی دا اسٹرٹیجک فورسز ہر طرح دے خطرات توں منٹن واسطے اعلی معیار دی تربیت تے آپریشنل دی تیاری کوں سراہا تے ایں گالھ دے زور ڈیتا کہ پاکستان خطہ اچ پر امن بقائے باہمی دے خواہاں ھِ جنوبی ایشا اچ ترویرائی استحکام کوں یقینی بنڑاون کیتے اپنڑیں ہمسائیہ ممالک دے نال مل تے کم کریندا رھاسی۔
نیشنل کمانڈ اتھارٹی نے تقریبا تمام موجودہ نویں ابھردے ہووئے سویلین شعبیاں اچ اسپیس پروگرام دی صلاحیت وسائل دی پیداور کوں یقینی بنڑاون تے انہاں توں استفادہ کرن تے خصوصی زور ڈیتا ایندے علاوہ صحت ، زراعت ادویات تے صحت دے شعبیاں اچ جوہری توانائی دے کردار کوں سراھا۔
نیشنل کمانڈ اتھارٹی نے انہاں شعبیاں اچ بین الاقوامی تعان کوں وسعت ڈیون اچ پاکستان دی دلچسپی تے پائیدار ترقیاتی اہداف دے حصول دی جانب مثبت کردار دا اعادہ کیتا۔
