اسلام آباد(سرائیکی نیوز) جہانگیر خان ترین نے سیکریٹری جنرل پی ٹی آئی دے عہدے توں استعفی ڈے ڈیتا، آکھیندے ھن عمران خان سمیت سخت احتساب دا سامنڑاں کیتے او ڈونہیں سرخرو تھئن گزشتہ روز سپریم کورٹ دی طرفوں تاحیات نا اہل قرار ڈیتے ونجن دے بعد جہانگیر ترین نے پاکستان تحریک انصاف دے جنرل سیکریٹری دے عہدے توں استعفی ڈے ڈیتا۔ جہانگیر ترین دا آکھن ھا کہ میڈی نا اہلی تکنیکی بنیاداں تے تھئی ھِ اپنڑی سیاسی زندگی تے پارٹے تے فخر ھِ عدالتی فیصلے تے سر تسلیم خم کرینداں اخلاقی طور تے میڈا پارٹی عہدہ رکھن مناسب کینی امید رکھینداں کہ عمران خان میڈا استعفی قبول کریسن۔ پارتی چیئرمین عمران خان توں متعلق جہانگیر ترین نے آکھیا کہ عمران خان دی قیادت تے دوستی اثاثہ ھِ جو مرن تک رھاسی، پارٹی کارکناں دی بے پناہ محبت تے حمایت حاصل رہی ھِ انہاں سب دا مشکور ھاں عمران خان دے نال مل تے تحریک انصاف کوں سبھ توں وڈی سیاسی قوت بنڑائے ۔ جہانگیر ترین نے اپنڑیں حلقہ انتخاب دے عوام دا وی شکریہ ادا کریندے ہووے آکھیا کہ لودھراں دے عوام دا شکر گزار ھاں جنہاں نے میکوں اپنڑاں لیڈر بنڑن دا اہل سمجھا
