اسلام آباد (سرائیکی نیوز) پیپلزپارٹی دا عمران خان تے جہانگیر ترین توں متعلق عدالتی فیصلے کوں سمجھ توں باہر قرار ڈے ڈیتا، ترجمان پی پی پی دا آکھن ھا کہ اثاثے لکاوݨ دے الزام تے نواز شریف نا اہل تے عمران خان اہل کیوں قرار پائے ھن؟ مسلم لیگ ن دے رہنما حنیف عباسی دی درخواست تے سپریم کورٹ اچ عمران کان تے جہانگیر ترین دے خلاف غیر قانونی اثاثیاں توں متعلق کیس چلائے جیندے اچ پی ٹی آئی چیئرمین کوں کلین چٹ مل گئی تاہم سینئر رہنماء کوں نا اہلی دا سامنڑاں کرنا پئے۔ عدالت عظمی دے فیصلے تے پیپلز پارٹی پاکستان دا رد عمل وی سامنڑیں آ گئیا ترجمان پی پی پی دا آکھن ھا کہ عدلیہ دے فیصلے سمجھ توں باہر ھن جئیں الزام اچ وزیر اعظم نا اہل تھئے ایندے اچ عمران کان اہل تھئی گئے ، نواز شریف تے عمران خان دے اثاثے لکائے ، ھک نا اہل تے ڈوجہا اہل کیویں؟ ترجمان نے مزید آکھیا کہ سپریم کورٹ دے پنجھ رکنی بینج نے ریفرنس کھولݨ دا حکم ڈیتا ھا ، بینچ دے فیصلے کوں ٣ ججاں نے مسترد کر ڈیتے اج عمران خان دا انجن ناکارہ تے اے ٹی ایم مشین وی بند تھئی گئی۔
