سرفراز شاہ قتل کیس، سینیٹ رینجرز اہلکاراں کوں معافی ڈیون دی مخالفت

اسلام آباد(سرائیکی نیوز) سینیٹ دی انسانی حقوق دی کمیٹی  دا کراچی اچ نوجواناں کوں قتل کرن والے سزا یافتہ رینجرز اہلکاراں دی صدارتی معافی دی مخالفت کر ڈیتی۔

واضح رہاوے کہ جون ٢٠١١ کوں کراچی دے علاقے بوٹ بیسن اچ واقع شہید بے نظیر بھٹو اپرک اچ رینجرز اہلکار دی طرفوں ٢٢ سالہ نوجوان سرفراز شاہ کوں گولہ مار تے قتل کر ڈیتا ھا جیندے بعد عدالت دی طرفوں ھک رینجرز اہلکار کوں سزائے موت تے باقیاں کوں پنجھ سال عمر قید دی سزا ڈیتی گئی ھائی۔

یاد رھاوے کہ چند روز قبل صوبائی حکام دی طرفوں رینجرز اہلکاراں دی معافی کیتے درخواست صدر مملکت کوں بھجوائی گئی ھائی سینیٹ کمیٹی دے اجلاس اچ ایوان صدر دی طرفوں رینجرز اہلکاراں دے معافے دے معاملے تے سینیٹر فرحت اللہ بابر نے بحث دے واسطے کمیٹی دی چیئرپرسن توں درخواست کیتی فرحت اللہ بابر نے آکھیا کہ متاظرین تے انہاں دے اہل خانہ دے نال نال انسانی حقوق دے واسطے ھک ناقابل قبول قدم ھِ انہاں نے آکھیا کہ ھک وردی اچ موجود اہلکار کوں ایں گالھ دا لائسنس ڈیون دے مترادف ھِ کہ او گن چاون تے ھک بے گناہ شخص کوں بربریت دے نال قتل کر ڈیتا۔ فرحت اللہ بابر نے آکھیا کہ  اے آسان کینی کہ خوف زدہ سرفراز شاہ دی ہتھ جوڑ تے معافی منگن جبکہ گولی مارن والے دے چہرے تے خوشی دی تصویر کوں بھلا ڈیتا ونجے۔ انہاں نے آکھیا کہ مجرماں کوں صدارتی معافی متاثرہ خاندان دے واسطے ایں شرمناک تصویر کوں مزید خوفناک بنڑاں ڈیسی۔ سینیٹر فرحت اللہ بابر نے آکھیا کہ مقتول دے خاندان دی رضامندی دے بغیر معافی ڈیون قانون نافذ کرن والے اداریاں دے اہلکاراں کوں قانون ہتھ اچ گھنݨ دے واسطے مزید شے ڈیسی۔ فرحت اللہ بابر نے آکھیا کہ اگر صدر ممنون حسین نے ایں طرح دی متنازع تاریخ رقم کیتی تاں اے بہوں افسوس ناک گالھ ہوسی جیندے اچ اے سمھا ویسی کہ ایہو جئے مجرمان جنہاں نے ھک واری یونیفارم پا گھیدا تے یونیفارم نا پاون والے مجرماں توں علیحدہ ھن لہذا ایں طرح دی تاریخ پاکستان دے پہلے توں کھنڈے ہووے انصاف دے نظام کوں منہ دے ول سٹھ ڈیسی۔ تاہم ایوان صدر دی طرفوں تردید کیتی گئی کہ سرفراز شاہ دے قتل اچ ملوث رینجرز اہلکاراں کوں معافی نی ڈیتی گئی۔ ایں موقع تے تمام ارکان دی طرفوں اقدامات دی مزمت کیتی گئے تے مطالبہ کیتا گئیا کہ مجرماں کوں معافی ڈیون دے خلاف ھک قرار داد دے ذریعے طاق ور پیغام بھیجا ویسی۔

کمیٹی دی چیئرپرسن تے متحدہ قومی موومنٹ ایم کیو ایم پاکستان دی سینیٹر نسرین جلیل دی طرفوں سرفراز شاہ دے قتل دی مزمت کریندے ہووے معافی دے اقدام کوں یادگار المیہ قرار ڈیتا

پاکستان تحریک انصاف (پی ٹی آئی) دی سینیٹر سمینہ عابد نے آکھیا کہ سرفراز دے قتل دی تصویر ڈیکھ تے آکھیاں اچ ہنجوں آ ویندے ھن۔

سینیٹر سحر کامران نے ایں قتل کوں ماورائے عدالت قرار ڈیندے ہووئے آکیا کہ میں جئیں ویلے وی ایں نوجوان دی معافی دے وسطے منتاں کریندے ہوئے منظر کوں یاد کریندی ھاں تاں میکوں اپنڑیں بالاں دی فکر تھئی ویندی ھِ