حکومت ٹرمپ دے بیان تے ملکی سلامتی توں متعلق قوم کوں اعتماد اچ گھنے، خورشید شاہ
افغان جنگ تے نائن الیون دے بعد اساں کوں امریکی مفادات دی جنگاں اچ گھسیٹا گئے ڈونلڈ ٹرمپ دا بیان حقائق دے منافی تے نا پختگہ سیاسی سوچ دا مظہر ھِ
اسلام آباد (سرائیکی نیوز) اپوزیشن لیڈر سید خورشید شاہ دا آکھن ھِ کہ حکومت ٹرمپ دے بیان تے ملکی سلامتی توں متعلق قوم کوں اعتماد اچ گھنے ایں معاملے تے فوری طور تے پارلیمینٹ دا مشترکہ اجلاس طلب کیتا ونجے
قومی اسمبلی اچ قائد حزب اختلاف خورشید شاہ دا امریکی صدر د ے بیان تے رد عمل سخت رد عمل ، انہاں دا آکھن ھا کہ امریکا اپنڑیں مفاد دی جنگ اساں تے تھوپی جیندے نال اساں کوں 130 ارب ڈالر دا نقصان تھیا امریکا ایں نقصان دے بدلے اساں کوں لالی پاپ تے مونگ پھلی ڈے تے ٹرخیندا رھایا انہاں نے آکھیا کہ افغان جنگ تے نائن الیون دے بعد اساں کوں امریکی مفادات دی جنگاں اچ گھسیٹا گئے ڈونلڈ ٹرمپ دا بیان حقائق دے منافی تے نا پختگہ سیاسی سوچ دا مظہر ھِ ٹرمپ اپنڑیں بیانات تے اقدامات نال دنیا دے امن کوں خطرے اچ پاون دی کوششاں کریندا پئے او امریکا دی اخلاقی پوزیشن کوں وی پسی نال ڈو چار کریندا پئے خورشد شاہ آکھیندے ھن کہ اساڈا ول ول اصرار دے باوجود حکومت نے وزیر خزانہ مقرر نا کیتا وزیر خارجہ نا ہون نال اساں خارجہ محاذ تے تنہائی دا شکار تھئی گئے ھین۔
