اسلام آباد(سرائیکی نیوز) حکومت نے حال ءچ گریجوایشن کرݨ والے نوجواناں کوں آئندہ مالی سال دا بجٹ پیش کریندے ہووے وݙی خبر سنڑاں ݙیتی۔ قومی اسمبلی دے بجٹ ٢٠١٩ ۔ ٢٠٢٠ پیش کریندے ہووے وزیر مملکت برائے ریونیو حماد اظہر دا آکھݨ ھا کہ حکومت دی پالیسی کوں مد نظر رکھیندے ہووے نویں گریجویٹس کوں ملازمت دے موقع فراہم کیتے ونجن، ایہو جئے بندیاں کوں ملازمت ݙیوݨ والے ھک بندے کوں ھک نواں ٹیکس کریڈٹ ݙیوݨ دی تجویز ھِ ھائر ایجوکیشن کمیشن توں تصدیق شدہ یونیورسٹیاں دے اداریاں توں حال ءچ گریجویشن مکمل کرݨ والے جواناں کوں ملازمت ݙیون والے بندیاں کوں ادا کردہ سالانہ تنخواہ دے حساب نال ٹیکس ءچ رعایت ݙیتی ویسی۔ اے ٹیکس رعایت کاروباری اداریاں دی طرفوں اپنڑیں ملازمین کوں تنخواہواں دی ادائیگی دی مد ءچ کلیم شدہ اخراجات دے علاوہ ہوسی، ایہو جئے بندے جنہاں یکم جولائی ٢٠١٧ دے بعد گریجوایشن مکمل کیتی ہوسی انہاں کوں ٹیکس ءچ رعایت دے مقصد کیتے نواں گریجویٹ تصور کیتا ویسی۔
