امریکی محکمہ خارج نے سابق وزیر اعظم تے چیئرمین پاکستان تحریک انصاف عمران خان دی طرفوں اپنڑیں حکومت کوں ڈھاوݨ اچ امریکی سازش دے ملوث ہووݨ دے مسلسل دعوے تے تبصرہ کریندے ہوں آکھیا کہ امریکا حقائق دی مدد نال غلط معلومات دا مقابلہ کریسی۔
لانگ مارچ دے دوران عمران خان دی طرفوں ھک واری ول امریکا تے اپنڑیں حکومت ڈھاوݨ دی الزام تراشی توں متعلق سوال تے ترجمان امریکی محکمہ خارجہ نیڈپرائس دا آکھݨ ھا کہ اساں غلط معلومات دا مقابلہ سچ دی مدد نال کر سکدے ہیں ۔ نیوز بریفنگ نال خطاب کریندے ہووے انہاں آکھیا کہ محکمہ خارجہ دی طرفوں کئی واری ایہو جئے دعوویاں کوں مسترد کیتا گئے کیونکہ انہاں الزامات اچ کوئی صداقت کینی۔
