ممبئی (سرائیکی نیوز ۔ مانیٹرنگ ڈیسک) امریکا ءچ قانون نافذ کرم والے اداریاں نے چائلڈ پورنو گرافی ویڈیو ڈاون لوڈ کرݨ دے الزام ءچ بھارتی پائلٹ کوں ملک بدر کر ݙیتا ، ٹائمز آف انڈیا دی رپورٹ دے مطابق نویں دہلی توں سین فرانسسکو پھجݨ والی فلائٹ دے بھارتی پائلٹ کوں پہلے تمام مسافراں دے سامنڑیں ہتھکڑی لائی تے ول ایندے بعد ایکوں واپس بھارت بھیج ݙیتا گئیا ، ممبئی نال تعلق رکھم والے ٥٥ سالہ پائلٹ بھارتی فضائی کمپنی ءچ فرسٹ افسر ھِ تے او اکثر امریکا کیتے پروازاں کوں آپریٹ کریندا رھاندا ھائی ، تاہم حالیہ قوانین دے مطابق امریکا دے کیتے پروازاں چلاوݨ والی فضائی کمپنیاں کوں امریکی بیورو آف کسٹمرز تے سرحدی تحفظ کیتے سمافراں تے کریو دی تفصیل فراہم کرݨ ضروری ھن تے ایندء ءچ پرواز دی روانگی دے بعد ١٥ منٹ توں زائد تاخیر نی تھیونڑی چاھیدی، ذرائع دا آکھݨ ھا کہ ایف بی آئی ایجنٹس کوں پائلٹ دے دوبارہ امریکا ءچ داخلے دا انتظار ھا تے جئیں ویلے او پھجا تاں ایکوں گرفتار کر تے پاسپورٹ ضبط کر گھیدا ، امریکی ویزا ختم کیتا گئیا تے ول دہلی کیتے پرواز ءش بیٹھا تے امریکا نے ملک بدر کر ݙیتا گئیا ، پائلٹ دوبارہ امریکا نی آ سکدا، ایتھاں ھک بئے ذرائعے نے ڈسایا کہ بعد ءچ اے گالھ سامنڑیں آئی کہ چائلڈ پورنو گرافی تک رسائی تے ویݙیو ڈاون لوڈ کرݨ تے بھارتی پائلٹ گزرن ٢ ماہ توں ایف بی آئی دی نگرانی ءچ ثبوت جمع کرݨ کیتے امریکا ءچ مختصر ٹھہراو دے دوران ہوٹل ءچ پائلٹ دےانٹرنیٹ استعمال دی نگرانی کیتی ، ذرائع ڈسایا کہ ایف بی آئی دی طرفوں بھارتی حکام کوں ثبوتاں دے نال ھک سربمہر ڈرزیئر وی ارسال کیتا گئیا ۔
