پنجاب اچ مزدور دی گھٹ توں گھٹ اجرت ٣٢ ھزار مہینہ مقرر

پاکستان دے سبھ توں وڈے صوبے پنجاب اچ مزدور دی اجرت اچ اضافہ کریندے ہووے پنجاب مینمم ویجز بورڈ نے مزدور دی اجرت ٣٢ ھزار روپے مہینہ کر ڈیتی۔ مزدور دی گھٹ توں گھٹ اجرت اچ اضافے دے حوالے نال گورنر پنجاب دی منظوری دے بعد گزٹ نوٹیفکیشن وی جاری کر ڈیتا گئیا، گزٹ نوٹی فکیشن سیکریٹری مینمم ویجز بورڈ پنجاب دی طرفوں جاری کیتا گئیا۔

واضح رھاوے کہ گزریل سال جون اچ غیر معمولی آئینی تے سیاسی صورتحال دے دوران گورنر دی طرفوں ایوان اقبال اچ طلب کردہ اجلاس اچ وزیر خزانہ پنجاب اویس لغاری نے مالی سال ٢٠٢٢ ۔ ٢٠٢٣ دا ٣٢ کھرب ٢٦ ارب روپے حجم دا صوبائی بجٹ پیس کیتا ھا جیندے اچ سرکاری ملازمین دی تنخواھواں اچ ١٥ فیصد اضافہ تجویو کرݨ دے نال نال جھاڑی دار تے مزدوراں دی گھٹ توں گھٹ اجرت ٢٠ ھزار توں ودھ تے ٢٥ ھزار روپے کرݨ دا فیصلہ کیتا گئیا ھا۔

یاد رھاوے کہ ایں توں پہل سابق وزیر اعلی پنجاب عثمان بزدار نے ٢٠٢١ اچ اپنڑیں وزارت اعلی دے دوران مزدوراں دی گھٹ توں گھٹ اجرت اچ اضافے دا اعلان کریندے ہووے ایکوں ٢٠ ھزار روپے مقرر کیتا ھا ۔

انہاں آکھیا ھا کہ پنجاب واحد صوبہ بݨ گئیا جیتھاں گھٹ توں گھٹ اجرت ١٨ ھزار توں ودھا تے ٢٠ ھزار روپے کر ڈیتی گئی ھائی ۔ خیال رھاوے کہ ودھدی ہوئی مہنگائی دے تناظر اچ ڈو ڈینھ پہل گورنر سندھ کامران ٹیسوری نے نجی شعبیاں دے ملازمین دی تنخواہ گھٹ توں گھٹ پنجھا ھزار روپے مقرر کرݨ تے سرکاری ملازماں دی تنخواہ اچ ٤٠ فیصد اضافے پاروں وزیر اعلی سندھ کوں خط لکھا ھا۔

گورنر سندھ دی طرفوں لکھے گئے خط اچ آکھا گئیا کہ ناقابل تردید حقیقت ھِ کہ موجودہ حالات اچ مہنگائی دے پاروں عام بندہ شدید مشکلات نال ڈو چار ھِ ، مہنگائی اچ اضافے نال لوگاں دی پریشانیاں اچ اضافہ تھئیا ھِ جیں نال زیادہ تر تنخواہ دار طبقہ متاثر تھئیا ھِ ول چاہے او سرکاری ملازم ہووے یا نجی اداریاں نال وابستہ بندہ ہووے انہاں دی زندگی دی ھر خوشی انہاں واسطے چیلنک بم گعی ھِ جبکہ انہاں دے کول آمدنی اچ اضافے دا کوئی رستی وی کینی جئیں وجہ نال انہان دی صروریات زندگی کوں پورا کرݨ نا ممکن تھیندا ویندا ھِ ۔ گورنر سندھ نے حکومت سندھ کوں اے تجویز ڈیتی ھائی کی بجٹ اچ نجی شعبیاں دے ملازمین دی تنخواواں گھٹ توں گھٹ پنجاھ ھزار مقرر کیتی ونجن۔

واضح رھاوے کہ گزریل سال جون اچ سندھ دے وزیر صنعت و تجارت جام اکرم اللہ دھاریجو نے اعلان کیتا ھا کہ صوباعی حکومت نے گھٹ تون گھٹ اجرات ٢٥ ھزار روپے مقرر کر ڈیتی ھِ انہاں آکھیا ھا کہ حکومت عام آدمی کوں درپیس مسئلے نال باخبر ھیں تے تمام آجر تے کارخاناں دے مالکان اپنڑیں غیر ھند مند کارکنان کوں یکم جون ٢٠٢٢ توں گھٹ توں گھٹ ٢٥ ھزار ادا کرݨ دے پابند ھن۔