پریشانی میکوں ھِ یا تساں کوں؟ زرداری نے پارلیمنٹ ءچ حیران کن گالھ کر ݙیتی
اسلام آباد(سرائیکی نیوز) پروڈکشن آرڈر جاری تھیوݨ دے بعد بجٹ سیشن ءچ شرکت کیتے سابق صدر آصف علی زرداری پارلیمنٹ ھاوس پھج گئے ، انہاں کوں نیب دی ٹیم نے اُتھاں پھجایا۔نجی ٹی وی چینل دے مطابق قومی اسمبلی دے اجلاس ءچ شرکت کیتے پارلیمنٹ ھاوس ءش پھجݨ دے بعد ھک صحافی نے سابق صدر توں استفسار کیتا کہ تساڈی صحت کیویں ھِ زرداری جواب ݙیتا میں ٹھیک ھاں صحافی ول سوال کیتا کوئی پریشانی تاں کینی ایں تے زرداری نے کھل تے جواب ݙیتا کہ پریشان میکوں ھِ یا تساں کوں تھ ول صحافی چپ کر گئیا زرداری اگوں ودھ گئیا۔ قومی اسمبلی ءچ اظہار خیال کریندے ہووے صدر نے حکومت اتحادی جماعت ایم کیو ایم ، اپوزیشن جماعتاں ، اپوزیشن لیڈر تے انہاݨ تمام لوگاں دا شکریہ ادا کیتا جناں نے اہاں دے پروڈکشن آرڈر جاری کرݨ کیتے کاوش کیتی ۔ زرداری دا آکھݨ ھا کہ بجٹ اخباراں ءچ ڈیٹھا، آپ دی وزارت خزانے نے کوئی کم نی کیتا اگر بجٹ چنگا ھِ تاں عوام کیوں روندی پئی ھِ سرکاری ملازمین دی تنخواھواں ودھا تے ٹیکس وی لا ݙیتا گئیا ، انہاں دا آکھݨ ھا کہ اساں تاں پہلے وی قربانیاں ڈیتیاں ، ول وی ڈیسوں، بی بی دی شہادت تے میں ھی پاکستان کھپے دا نعرہ لایا ، اگر تساں دی چیک بک تے پنجھ لاکھ دا چیک ہووے تاں ایف بی آر سڈوا گھیندا ھِ کون کون حساب ݙیسی ، ایویں تاں پورا پاکستان حساب ڈینا رھاسی ، میکوں پکرݨ نال پیپلزپارٹی کوں کوئی فرق نی پوندا ، پکڑ دھکڑ دا نقصان پارٹی کوں نی ، عام آدمی خوفزدہ تھیدنا ھِ
