نو مئی دے واقعے قابل مذمت ہن، جمہوری اقدار دی پاسداری دے نال نال ریاست پاکستان دی رٹ قائم رکھݨ لازمی اے، وزیر خارجہ بلاول بھٹو زرداری دا خطاب
کراچی ۔26مئی (اے پی پی) وزیر خارجہ بلاول بھٹو زرداری 9 مئی واقعات دی مذمت کریندیں ہوئیں آکھیا جو اے 25 مئی 2022 کوں اسلام آبادتے چڑھائی سویں واقعیاں دا تسلسل اے۔ نو مئی دے واقعے قابل مذمت ہن، جمہوری اقدار دی پاسداری دے نال نال ریاست پاکستان دی رٹ قائم رکھݨ لازمی اے۔ اے ڳالھیں انہاں کراچی اچ پاݨی دی فراہمی دے منصوبے کے فور دا منڈھ بدھݨ دی تقریب توں خطاب کریندیں ہوئیں آکھی۔ وزیراعظم شہباز شریف تقریب دے مزمان خصوصی ہن جڈانجو وزیراعلی سندھ مراد علی شاہ، گورنر سندھ کامران ٹیسوری ، اراکین اسمبلی ، وفاقی اتے صوبائی کابینہ دے ممبران وی موجود ہن۔ وزیر خارجہ بلاول بھٹو زرداری آکھیا جو سندھ سوھے پورے ملک دی عوام دی وزیراعظم شہباز شریف توں امیداں ہن ، اساں رَل تے پاکستان کوں درپیش مسئلیاں دا حل کرݨ چاہندوں۔ انہاں کراچی اچ پاݨی دے مسئلے حل کرݨ کیتے وزیراعظم دی کوششاں دی تعریف کیتی۔
