وݙے مزارات اچ صدقات وعطیات کیتے آن لائن ویب سائٹ ٻݨایاں ویسن، نگران وزیر اعلیٰ پنجاب منطوری ݙے ݙتی

لاہور۔ 21 جولائی (اے پی پی):نگراں وزیر اعلیٰ پنجاب محسن نقوی صوبے اچ وݙے مزارات اتے درباراں اچ آن لائن صدقات وعطیات کیتے نذرانہ آن لائن ویب سائٹ دی اصولی منظوری ݙتی اے۔ دربار حضرت داتا گنج بخش، حضرت بابا بلھے شاہ، حضرت بابا فرید گنج شکر اتے ٻئے مزاراں تے انڄھ انڄھ ویب سائٹس ٻݨایاں ویسن۔ وزیراعلیٰ پنجاب محسن نقوی پنجاب انفارمیشن ٹیکنالوجی بورڈ کوں ویب سائٹ ڈویلپ کرݨ دی ہدایت کیتی اے۔ ویب سائیٹس نال بیرون ملک مقیم افراد، عطیات و خیرات اتے لنگر وی ݙے سڳسن اتے لنگر دی تقسیم براہ راست ݙٹھی ونڄ سڳسی۔ عطیات موبائل بینکنگ،کریڈٹ کارڈ اتے اے ٹی ایم دے ذریعے ٹرانسفر کیتے ویسن۔ حضرت بابا بلھے شاہ دے مزار کوں ری ڈیزائن کیتا ویسی ڄݙاں جو بابا فرید گنج شکر دے مزار دے کمپلیکس کوں ودھایا ویسی، ٹریفک کیتے بیسمنٹ اچ پارکنگ اتے لنگر خانے ٻݨسن۔