وفاقی وزیر اطلاعات مریم اورنگزیب دی سی پی این ای دے نویں منتخب عہدیداران کوں مبارک

اسلام آباد۔27مئی(اے پی پی) وفاقی وزیر اطلاعات مریم اورنگزیب سی پی این ای دے نویں منتخب عہدیداران کوں مبارخ ݙیندے ہوئیں آکھیے جمہوریت دے استحکام اتے آزادی صحافت دے ودھارے کیتے سی پی این ای دا کردار قابلِ تحسین اے،اتحادی حکومت میڈیا دی آزادی تے نہ صرف کامل یقین رکھیندی اے  بلکہ ایندے ودھارے کیتے اقدامات وی چیندی پئی اے ، حکومت ہمیشہ میڈیا دے مسئلیں دے حل کوں آپݨی ترجیحات اچ رکھیے ، ہفتے کوں وفاقی وزیر اطلاعات مریم اورنگزیب سی پی این ای دے نویں منتخب صدر ارشاد عارف، سینئر نائب صدر انور ساجدی، سیکریٹری جنرل اعجاز الحق سودھے ٻئے نویں منتخب عہدیداران کوں مبارخ ݙتی ۔وفاقی وزیر اطلاعات آکھیے جمہوریت دی مضبوطی کیتے صحافت اتے آزادی اظہار رائے ضروری آئینی تقاضے ہن، جمہوریت دے استحکام اتے آزادی صحافت دے ودھارے کیتے سی پی این ای دا کردار قابلِ تحسین اے۔ مریم اورنگزیب آکھیے حکومت اخبارات اتے جرائد دے مسئلیں دے حل کیتے سی پی این ای نال تعاون جاری رکھیسی ۔ انہاں ایں امید دا اظہار کیتے جو نویں منتخب عہدیداران اپݨے تجربے اتے صلاحیتاں کوں بروئے کار گھن آندے ہوئیں سی پی این ای کوں مزید بہتری دے پاسے گامزن کریسن۔