وزیراعظم محمد شہبازشریف دی ترکیہ دے نو منتخب صدر رجب طیب اردوان دی تقریب حلف برداری اچ شرکت

اسلام آباد۔3جون(اے پی پی):وزیراعظم محمد شہبازشریف ترکیہ دے نو منتخب صدررجب طیب اردوان دی حلف برداری کیتے صدارتی محل اچ تھیوݨ آلی تقریب اچ ڳن اتے انہاں کوں تریڄھی واری صدر ٻݨݨ تے مبارک ݙتی۔ ترکیہ دے صدر اپݨی زال نال تقریب اچ شرکت کیتی۔ نومنتخب ترک صدر دی تقریب حلف برداری اچ وزیر اعظم شہباز شریف سودھا 78 ملکاں دے سربراہان شرکت کیتی۔ تقریب اچ نیٹو دے سیکرٹری جنرل، امیر قطر، آذربائیجان دے صدر، روسی پارلیمنٹ دے سپیکر اتے ٻئے عالمی رہنما وی موجود ہن۔ صدر رجب طیب اردوان وزیراعظم محمد شہبازشریف نال ہتھ ملائے اتے شہباز شریف انہاں کوں مبارک ݙتی۔ ایں موقع تے وزیر اطلاعات ونشریات مریم اورنگزیب وی نو منتخب صدر کوں مبارک ݙتی۔