چیف جسٹس عمر عطا بندیال نے پاکستان تحریک انصاف پی ٹی آئی دے چیئرمین عمران خان دی طرفوں قومی احتساب بیورو (نیب) ترامیم دیخلاف کیس دی سماعت دے دوران ریمارکس ڈیتے ھن کہ نیب قانون اچ بہوں چیاں ٹھیک ھن کجھ غلط ھن جنہاں تے فیصلہ ڈیسوں۔
نیب ترمیم کیس دی سماعت چیف جسٹس عمر عطا بندیال دی سربراھی اچچ تریھ رکنی بینچ نے کیتی ، جیندے اچ جسٹس اعجاز الحسن جسٹس منصور علی شاہ شامل ھن۔
وفاقی حکومت دے وکیل مخدوم علی خان عدالت اچ کراچی نال ویڈیو لنک دے ذریعے پیش تھئے چیف جسٹس نے مخدوم علی خان نال مکالمہ کیتا کہ اج تساں اتنی دور توں پیش تھعے وے ، جئیں تے مخدوم علی خان دا آکھݨ ھا گزریل ڈینھ دے حالات دے پیش نظر میکوں لگا کہ عدالت تے پھجݨ مشکل ہوسی ، اج کل تاں سوشل میڈیا وی کینی کہ معلومات مل سکے۔
چیف جسٹس نے مخدوم علی خان آکھیا کہ دھیان نال گالھ کرو، عدالت اچ جو گالھ آکھیسو او سوشل میڈیا تے گڈ ٹو سی یو دی طرح سیاق و سباق دے بغیر پیش کیتی ویسی۔ چیف جسٹس عمر عطا بندیال نے ریمارکس ڈیتے کہ ایں کیس دی چھالیویں سماعت ھِ تے بینچ جانڑدا ھِ کہ ایں کیس کو کیویں سمیٹا ونجے۔ سپریم کورٹ نے وفاقی حکومت دے وکیل مخدوم علی خان تے عمران خان دے وکیل دے دلائل دی سمری جمع کرواݨ دا حکم ڈے ڈیتا۔ چیف جسٹس نے ریمارکس ڈیتے کہ جوابات دے بعد فیصلہ کریسوں کہ مزید سماعت دی لوڑ ھِ یا کینا۔
چیف جسٹس آکھیا کہ تحریری مواد ڈیکھݨ دے بعد ضرورت ہوئی تا مزید سماعت کریسوں اگر فراہم کردا مواد تے عدالت کہیں نتیجے تے پھج گئی تاں فریقین کوں آگاہ کر ڈیسوں۔
چیف جسٹس عمر عطا بندیال آکھیا کہ نیب ترامیم کیس دی اج ٤٦ سماعتاں ہو چکیاں ھن ھݨ تک خواجہ حارث ٢٦ تے مخدوم علی خان دا ١٩ سماعتاں تے دلائل ڈیتے ھن۔ انہاں دا آکھݨ ھا کہ مقدمہ کوں مزید نی لٹکاوݨ چاھندے کیونکہ عدالتی چھٹیاں اچ بینچ بیک وقت ایتھاں نہ ہوسی، نیب انون اچ بہوں ساری چیزاں ٹھیک ھن۔کجھ غلچیاں ھن جنہاں تے فیصلہ ڈیسوں۔
