ملکی سلامتی تے کوئی سمڄھوتہ نا کیتا ویسی، ریاستی اداراں دے خلاف پروپیگنڈا دا مقابلہ کیتا ونڄے، آرمی چیف

راولپنڈی۔26اکتوبر(اے پی پی):پاک فوج دے سربراہ جنرل سید عاصم منیر آکھیے جو دانشوراں اتے سول سوسائٹی دی وݙی ذمہ داری اے جو عوام، خاص کر نوجوان نسل پاکستان دے ریاستی اداراں دے خلاف جاری پروپیگنڈہ بارے معلومات ودھاون اتے ایندا مقابلہ کرن، ہر پاکستانی دی حفاظت اتے سلامتی ٻہوں اہم اے جیندے تے کوئی سمڄھوتہ نا کرݨ ݙتا ویسی۔ آئی ایس پی آر آکھیے جو آرمی چیف جی ایچ کیو راولپنڈی اچ تھیوݨ آلی 25 ویں نیشنل سکیورٹی ورکشاپ نال خطاب کریندے پئے ہن۔ ورکشاپ دے شرکاء کوں بین الاقوامی و علاقائی سیکیورٹی اتے قومی سلامتی دی صورتحال تے بریفنگ ݙتی گئی۔ آرمی چیف جنرل سید عاصم منیر آکھیا جو مسلح افواج، سیکورٹی اتے انٹیلی جنس ادارے دشمن قوتاں دے زور دے باوجود دہشت گردی دا وݙا مقابلہ کریندے پن، جیت ساݙی تھیسی۔ شرکا کوں سمگلنگ، بجلی چوری، منشیات، بارڈر کنٹرول اقدامات اتے پاکستان توں غیر قانونی غیر ملکیاں دی وطن واپسی دی صورتحال وی ݙسائی ڳئی۔ آرمی چیف آکھیا جو معشیت دی بہتری ترجیح اے۔