اوپن مارکیٹ اچ روپے دے مقابلے اچ امریکی ڈار دی قدر پنجھ روپے اضافے دے بعد ٣٠٥ دی سطح تے پھج گئی۔ ایکسچین کمپنیاں ایسوسی ایشن آف پاکستان دے مطابق اج اوپن مارکیٹ اچ پاکستانی کرنسی دے مقابلے اچ ڈالر ٥ روپے اضافے دے بعد ٣٠٥ روپے دا تھئی گئیا ھِ جبکہ انٹر بینک مارکیٹ اچ ڈالر ٣٢ پیسے اضافے دے بعد ٢٨٦ روپے دی سطح تے پھج گئیا جو پچھلے ڈینھ ٢٨٥ روپے ٦٨ پیسے تے بند تھئیا ھا۔
ایکسچینج کمپنیاں ایسوسی ایشن آف پاکستان دے سیکریٹری جنرل ظفر پراچا نے ڈسایا کہ جئیں لوگاں نے ٣١٠ روپے تے ڈالر گھیدا ھا او ایکوں ویچیندے نی پئے بلکہ ڈیکھو تے انتظار کرو دی پالیسی تے گامزن ھن۔ انہاں دا آکھݨ ھا کہ اسٹیٹ بینک آف پاکستان دی طرفوں بین الاقوامی ادائیگی دے نظام اچ کارڈ دی بناید تے سرحد پار لین دین پاروں بینکاں کوں انٹربینک مارکیٹ توں امریکی ڈالر حاسل کرݨ دی اجازت دی حکمت عملی دی وجہہ نال ١٠ توں ٢٠ روپے تک گھٹ تھئونڑاں چاھیدا ھِ
مرکزی بینک دے ٣١ مئی کوں چاتے گئے اقدامات دی وجہ نال اگلے ڈینھ اوپن مارکیٹ اچ ڈالر ١٥ روپے سستا تھئی گئیا ھا ۔ تجزیہ کاراں کوں توقع ھائی کی اوپن تے انٹربینک مارکیٹ اچ ڈالر دا فرق گھٹ تھئی ویسی ۔ جو کہ ودھ تے تقریبا” ٣٠ روپے تک پھج گئیا ھا۔
ظفر پرانا نے نوٹ کیتا کہ بجائے فرق گھٹ تھیوݨ دے اج مارکیٹ مخالف سمت اچ گئی تے اوپن مارکیٹ اچ مقامی کرنسی دی قدر پنجھ روپے ڈھ گئی ۔ انہاں آکھیا کہ مرکزی بینک دے سرکار تے صحیح طریقے نال عمل کیتا ویندا تاں انٹربینک تے اوپن مارکیٹ اچ فق گھٹ تھئی سکدا ھا ، انہاں دا آکھݨ ھا کہ زرمبادلہ دے متعلق حکومت دی پالیسیاں اچ تضاد ھِ تے کوئی وی پالیسی مسئلہ حل نی کر سکدی۔
