رباط۔9ستمبر (اے پی پی) مراکش اچ 6.8 شدت دا زلزلہ، 296 بندے ہلاک تھی ڳئے اتے 153 زخمی تھین۔ مراکشی خبررساں ادارے وزارت داخلہ بارے ݙسیا جو مراکش اچ مقامی ویلھے دے مطابق رات 11:11 منٹ تے زلزلہ آیا اتے ایں زلزلے دے 19 منٹ بعد دی شدت دا آفٹر شاک آیا۔ انہاں ݙسیا جو زلزلے دا مرکز مراکش دے جنوب مغرب اچ 71 کلومیٹر ’ہائی اٹلس ماؤنٹینز‘ پہاڑاں اچ ہئی اتے ایں زلزلے دی گہرائی 18.5 کلومیٹر ہئی۔ ݙسیا ڳیا جو زلزلے دے جھٹکے ساحلی شہراں رباط، کاسا بلانکا اتے الصویرہ اچ وی محسوس کیتے ڳئے۔ ݙسیا ڳیا جو ہک عارضی رپورٹ موجب زلزلے پاروں الحوز، مراكش، وورزازات، أزيلال، شيشاوة اتے تارودان دے صوبیاں اتے میونسپلٹیز اچ 296 بندے ہلاک اتے 153 بندے زخمی تھین جیڑھے ہسپتال اچ زیر علاج ہن۔
مراکش اچ 6.8 شدت دا زلزلہ، 296 بندے ہلاک
مقالات ذات صلة
