قومی ٹاسک فورس برائے آرٹیفیشل انٹیلی جنس ٻݨا ݙتی ڳی اے، اے آئی کوں معیشت، گورننس اتے تعلیم دے شعبیاں اچ متعارف کراوݨ دا لائحہ عمل تجویز کریسی، وفاقی وزیر احسن اقبال

اسلام آباد۔14اپریل  (اے پی پی) وفاقی وزیر  برائے منصوبہ بندی تے ترقی احسن اقبال 15 رکنی قومی ٹاسک فورس برائے  آرٹیفیشل انٹیلی جنس تشکیل ٻݨا ݙتی اے، ایندے اچ  آرٹیفیشل انٹیلی جنس دے ماہرین، نجی شعبے اتے حکومت دے  نمائندے شامل ہن،ٹاسک فورس آرٹیفیشل انٹیلی جنس کوں معیشت، گورننس اتے تعلیم دے شعبیاں اچ متعارف کراوݨ دا لائحہ عمل تجویز کریسی۔ ایں ڳالھ دا اعلان انہاں ایں ابرے تھیوݨ آلے ہک اجلاس توں ویڈیو لنک توں خطاب اچ کیتا۔ انہاں آکھیا جو آرٹیفیشل انٹیلی جنس  تے دسترس آوݨ آلے دور اچ ترقی دی ضامن اے، معیشت، گورننس اتے تعلیم دے شعبیاں اچ  آرٹیفیشل انٹیلی جنس نال دور رس تبدیلیاں تھیندیاں پن۔ انہاں آکھیا جو ٹاسک فورس حکومت کوں زراعت، گورننس، تعلیم، معیشت دے شعبیاں اچ آرٹیفیشل انٹیلی جنس دے استعمال، فیصلہ سازی اتے ترقی دا 10سالہ روڈ میپ ٻݨاوݨ اچ تعاون کریسی۔ انہاں آکھیا جو   2018  اچ مسلم لیگ (ن ) دی حکومت آرٹیفیشل انٹیلی جنس دا قومی مرکز ٻݨایا ہئی۔