بیت المقدس(سرائیکی نیوز) اسرائیلی فوجی دی ہلاکت کیتے رد عمل ءچ تل ابیب دے فلسطینی علاقیاں ءچ تابر توڑ فضائی حملیاں ءچ ٤ فلسطینی شہید تھئے جیندے بعد اسلامی تنظیم حماس نے جنگ بندی دا اعلان کر ݙیتا۔ قطرہ خبر رساں ادارے الجزیرہ دی رپورٹ دے مطابق حمات دے ترجمان فاوزی برہوم نے جنگ بندی معاھدے دا اعلان کریندے ہووئے ݙسایا کہ ایندے ءچ مصری تے اقوام متحدہ دے عہدیداراں نے ثالظی دا کردار ادا کیتا ھِ انہاں دا مزید آکھݨ ھا کہ ایں جنگ بندی دا اطلاق جمعہ د رات توں تھئی گئے تے اساں فلسطینی گروہ تے اسرائیل دے مابین ھک سمجھوتے تے متفیق تھئے گئے ھیں فرانسیسی خبر رساں ادارے ءچ اے ایف پی دے مطابق معاھدے دی تصدیق دے حوالے نال جئیں ویلے اسرائیلی وزیر اعظم بینجمن نیتئن یاھو دے دفتر نال رابطہ کیتا گئیا تاں اسراعیل حکام دی طرفوں ایہو جئے کہیں معاھدے دی تصدیق نی کیتی گئی ۔ تاہم گزرن رات فلسطینی علاقیاں ءچ کوئی وڈی اسراعیکی کارروائی ݙیکھݨ ءچ نی آئی تے نا ھی فلسطینی علاقیاں توں اسرائیل دی طرف کوئی گولہ سٹھا گئے، ایں ضمن ءچ حماس دے ھک سینئر عہدیدار نے ناں ظاہر نا کرݨ دی شرط تے ڈسایا کہ معاھدے ءچ ہر قسم دی عسکری کارروائی دے خاطمے دی گالھ کیتی گئے ھِ جیندے ءچ اسرائیلی فضائی حملے تے حماس دے گولے تے راکٹ دے حملے شامل ھن، تاہم انہا دا آکھݨ ھا کہ آتش گیر مادے دے نال منسلک غباری تے پتنگاں جو فلسطینی علاقیاں دی طرفوں اسرائیل تے سٹھیا ویندی پئیا ھن ایں معاھدے ءچ شامل کینی۔ ایتھاں اسرائیلی سیاست داناں دی طرفں آتش گیر مادیاں نال انہاں کارروائی دا بھر پور جواب ݙیون دا مطالبہ کیتا گئیا ھِ جیندے نتیجے ءچ اسرائیل کوں ھن تک لکھاں ڈالر دا نقصان تھئی چکیا ھِ معاھدے دی تصدیق دے حوالے نال اسرائیلی حکام دا آکھِݨ ھا کہ اساں صرف اتنا آکھ سکدے ھیں کہ جمعہ دے بعد توں اسرائیل نے غزہ دی پٹی ءچ کوئی تازہ کارروائی نی کیتی۔
واضح رھاوے کہ روان سال مارچ توں سیکنڑاں فلسطینی اسراعیلی سرحد دے نال علاقیاں ءچ جمع تھئی تے اپنریںآبائی علاقیاں ءچ واپسی کیتے احتجاج کریندے رہے جیتھاں ٧٠ سال قبل انہاں دے خانداناں کوں بے دخل کر ݙیتا گئیا ھا ۔ انہاں مظاہریاں تے اسرائیل دی طرفوں کیتے ونجن والے حملیاں دے نتیجے ءچ ھن تک ١٤٠ توں ودھ فلسطینی جاں بحق جبکہ ١٦ ھزار توں ودھ زخمی تھئے ھن۔
ایں ضمن ءچ فلسطینی محکمہ صحت دا آکھن ھا گزرن جمعہ کوں تھیون والے مظاہرے ءچ اسراعیلی فوجیاں دی طرفوں فلسطینیاں تے سیدھی گولیاں تے آنسو گیس دے شیل وسائے گعے ھن جو اسرائیلی سرحد دے نال مظاہرے کیتے جمع تھیئے ہوئے ھن جیندے نتیجے ءچ ٢٧ شخص تے ١٢٠ بندے زخمی تھئے ھن ݙوجہے پاسے حماس دا آکھݨ ھا کہ اسرائیل دی طرفوں غزی دی پٹی دے جنوبی علاقیاں ءچ وݙے پیمانے تے کیتی گئی فضائی کارروائیاں ءچ ایندے ٣ اراکین مارے گئن تاہم ایں حالے نال اسرائیل دا موقف ھِ کہ حالیہ فضائی کارروائی فلسینی اہلکاراں دی طرفوں اسرائیلی فوجی کوں نشانہ بنڑاوݨ وا رد عمل ھِ جیندے بارے ءچ ڈسایا گیا ھا کہ او زخماں دی تاب نا گھن آئندے ہووے ہلاک تھعی گیا ایتھاں اے گالھ قابل ذکر ھِ ٢٠١٤ دے بعد توں غزہ ءچ جاری جنگ دے دوران کہیں اسراعیلی فوجی دی ہلاکت دا اے پہلا معاملہ ھِ
