عید الفطر دا مبارخ ݙینھ اساکوں محبت ، اخوت اتے بھرپی دا درس ݙیندے ، نویں منتخب وزیراعظم آزاد جموں و کشمیر چوہدری انوارلحق

مظفرآباد۔21اپریل(اے پی پی) نویں منتخب وزیراعظم آزاد جموں و کشمیر چوہدری انوارلحق آکھیے عید الفطر دا مبارخ ݙینھ اساکوں محبت ، اخوت اتے بھرپی دا درس ݙیندے ، ایں ݙینھ دا تقاضا ہے جو اساں خوشیاں کوں آپݨی ذات تئیں محدود نہ رکھوں بلکہ اپݨے آسے پاسے نادار مستحق لوکاں کوں وی انہاں وچ رلاؤں ، انہاں آکھیے ایں ݙینھ پوری ملت اسلامیہ کیتے تے بالخصوص کشمیر دی آزادی ،ملک دی ترقی وخوشحالی کیتے دعا کروں جو اللہ رب العزت ساݙے ملک کوں امن، ترقی وخوشحالی دی نعمت توں مالا مال فرماوے۔انہاں آکھیے آزاد کشمیراچ اساں آزاد فضا اچ روزے رکھیے ، عبادتاں کیتیاں تے اللہ تعالی توں دعائیں منڳیاں لیکن کنٹرول لائن دے اوں پار مقبوضہ کشمیر اچ ساݙے بھیݨ بھراویں تے اے مہینہ بارا گزریے انہاں تے ہر ھک ݙینھ قیامت ترٹدی رہی ، مقبوضہ کشمیر دے بھراویں کوں آکھساں جو تساں کلھے کائنی اساں تساڈا ݙکھ پوری طرح ونڈ سڳدوں تساڈے رلے ہیسے ۔وزیراعظم دا آکھݨ ہئی جو انشاء اللہ میکوں یقین اے جو مقبوضہ کشمیر ھک ݙینھ ضرور آزاد تھیسی تے اہل جموں و کشمیر حق خودارادیت گھن تے رہسن ۔