عمران خان کوڑ نال لوکاں دی زہن سازی کر تے انہاں کوں ملک دشمنی، دہشت گردی، شہدا اتے غازیاں دی بے حرمتی سکھائی، مریم اورنگزیب

اسلام آباد۔29مئی (اے پی پی) وفاقی وزیر اطلاعات تے نشریات مریم اورنگزیب آکھیا جو عمران خان کوڑ نال لوکاں دی زہن سازی کر تے انہاں کوں ملک دشمنی، دہشت گردی، شہدا اتے غازیاں دی بے حرمتی سکھائی۔عمرن خان اپݨے گھناؤنے ناقابل معافی جرائم تے انہاں والدین توں معافی منگن جنہاں دے ٻالاں کوں گمراہ کر تے آزمائش اچ پاتے۔ اے ڳالھ انہاں سنوار کوں چیئرمین پی ٹی آئی عمران خان دے ٹویٹ تے اپݨے ردعمل اچ آکھی۔ عمران خان اپݨے ٹویٹ اچ پی ٹی آئی دے کراچی توں رکن صوبائی اسمبلی ملک شہزاد اعوان بارے اپݨے ٹویٹ اچ ہک تصویر دا حوالہ ݙیندیں ہوئیں پارٹی چھوڑݨ توں انکار تے ملک شہزاد اعوان دے قافلے کوں ٻھاہ لا ݙتی ڳی اے جئیں تے ڳالھ کریندیں ہوئیں وفاقی وزیر آکھیا جو اے تصویر ہک سال پراݨی نوشہرہ اچ آئل ڈپو اچ ٻھاہ لگݨ دی اے۔ عمران خان کوڑ نال لوکاں دی زہن سازی کر تے انہاں کوں ملک دشمنی، دہشت گردی، شہدا اتے غازیاں دی بے حرمتی سکھائی۔