سوات۔ سوات موٹروے دے ٹول پلازہ کوں بھا لا ڈیتی گئی ھِ تفصیلات دے مطابق خیبرپختونخواہ دے ضلع سوات اچ عمران خان دی گرفتاری دیخلاف احتجاج دے دوران مشتعل مظاہرین نے سوات موٹر وے ٹول پلاہ کوں بھا لا ڈیتی مظاہرین دے شدید احتجاج دی وجہ نال سوات موٹروے کوں عام ٹریفک پاروں بند کر ڈیتا گئیا۔ شدید توڑ پھوڑ وی کیتی گئی۔
پشاور اسلام آباد موٹروے رشیکی ، ولی تے کرنل شیر خان انٹرچینج دے جاء وی مکمل بلاک کر ڈیتی پنجاب توں کے پی کے کوں ملاوݨ والا جی ٹی روڈ خیر آباد اٹک پل تک مکمل بند کر ڈیتا، پنجاب دا رستہ منقط گڈیاں دی لمبی قطاراں
نوشہراں تریھ تحصیلاں دے پی ٹی آئی کارکناں دی طرفوں مظاہرے ، پرویز خٹک دے صاحبزادہ اسحاق خٹک دی قیادت اچ شوبرا چوک اچ احتجاجی جلسہ، ٹائر ساڑے گئے تے سڑک بلاک کر ڈیتی ۔ واضح رھاوے کہ نیب نے منگل دے ڈینھ رینجر دی مدد نال عمران خان کوں اسلام آباد ھائی کورٹ دے احاطے توں گرفتار کر گھیدا گئیا جیندے بعد ملک بھر اچ مظاہرے شروع تھئی گئے ۔ کارکناں ٹائر سمیت مختلف چیاں کوں بھا لا تے سڑکاں بلاک کر ڈیتیاں، کئی مقامات تے تحریک انصاف دے کارکنان تے پولیس دے درمیان جھڑپاں وی تھئیاں ، فیصل آباد پولیس دی فائرنگ نال ٤ مظایرین زخمی تھئی گئے ۔ فیصل آاد اچ پی ٹی آئی کارکناں نے رانا ثنا دے ڈیرے دا گھیرا کر گھیدا تے پتھراو کیتا جیندے بعد پولیس دی اضافہ نفری طلب کر گھیدی گئی ، تحریک انصاف دے کارکناں دی احتجاج دی وجہ نال اہم سڑکاں تے ٹریفک دا نظام جام تھئی گئے ۔ احتجاج دے پاروں کاروبار بند کر ڈیتے گئے۔
سکول بند رکھݨ دا اعلان کر ڈیتا گئیا ۔ نیٹ بند ، سوشل میڈیا سروس بند ، حکومت دی طرفوں کر ڈیتی گئی ۔ پنجاب ، بلچوستان، اسلام آباد لاہور ، اچ دفعہ ١٤٤ نافذ کر ڈیتی گئی ۔ تے جلسے جلوساں تے پابندی عائد کر ڈیتی گئی ۔ اے نوٹیفکیشن وزارت داخلہ نے جاری کر ڈیتا ۔ وفاقی وزیر آکھیا کہ عمران خان دی گرفتاری تے امن او مان خراب کرݨ دی اجازت نا ہوسی ، سڑکاں بلاک کرݨ والیاں نال سختی نال نمٹا ویسی۔
