پاکستان مسلم لیگ ن دی نائٻ صدر مریم نواز سابق وزیر اعظم عمران خان تے تنقید کریندے ہووے آکھیا ھِ کہ عمران خان دی اسٹبلیشمنٹ تے تنقید اصول دی بنیاد تے کینی بلکہ انہاں کولوں دوبارہ تعاون حاصل کرݨ کیتے ھِ
لندن اچ پریس کانفرنس کریندے ہووے مریم نواز نے آکھیا کہ تساں کوں انتخابات دی تاریخ جلد چاھیدی ھِ تاں کیا او اسٹیبلشمنٹ نے ڈیونڑی ھِ ۔ تساڈی سیاست کیتی اے بی سی غلط ھِ ، سیاست دی بنیاد ھی غلط ھِ الیکشن کراوݨ یا نہ کراوݨ اسٹیبلشمنٹ دا کم ھِ انہاں دا آکھݨ ھا کہ تساڈی سیاست دی اے بی سی غلط تھئی گئی کیونکہ تساڈے استاڈ جنرل پاشا تے جنرل ظیر الاسلام ھن ایں پاروں تساں اسٹیبلشمنٹ توں الیکشن منگدے پئے ھیووے، ایہو جئے استاد رکھیسو تاں تعلیم وی ایہو جئی ملسی۔
نائب صدر مسلم لیگ ن نے آکھیا کہ ہر سیاسی جماعت نے کہیں نہ کہیں موقع تے اداریاں تے تنقید وی کیتی ھِ تے انگلیاں وی چاتیاں ھن لیکن ایں تنقید دا کجھ فرق ھِ او کہیں اصلاح یا مسئلہ دی بنیاد تے ھائی کہیں غلطی دا احساس ڈیواوݨ تے جمہوری اصولاں تے ھائی۔
