ترکہ دے صدر رجب طیب اردوگان نے اپنڑیں دور اقتدار کوں ٢٠٢٨ تک طول دیوݨ پاروں آئندہ ہفتے تھیوݨ والے رن آف الیکشن تے نظراں جما گھیدیاں۔
سیکولر رہنما کمال قلیچدار اوغلو نے ١٤ مئی کوں پارلیمنٹ تے صدارتی انتخابات اچ رجب طیب اردوگان دے خلاف بطور اپوزیشن بہترین کارکردگی ڈکھائی۔
طیب اردوغان نے ٤٤۔٨٨ فیصد ووٹ گھن تے کمال قلیچدار اوغلو تے برتری حاصل کیتی تاہم فتح پاروں پاتے گئے ووٹاں دا پنجاہ فیصد توں ودہ حاصل کرݨ لازم ھا۔ جئیں اچ ڈونہیں ناکام رہیے ۔ ٦٩ سالہ طیب اردوغان دا اتنے ووٹ حاصل کرݨ ایں تناظر اچ حیران کن سمجا ویندا پیا ھِ کیونکہ انہاں دی زیر قیادت ترکہ ١٩٩٠ دی دھائی دے بعد ایں ویلے بد ترین معاشی بحران دا شکار ھِ رائے عامہ دے متعدد سروس انہاں دی پہلی قمی انتخابی شکست دا عندیہ ڈیندے نظر آندے پئن۔
