اسلام آباد۔19مئی (اے پی پی) صدر مملکت ڈاکٹر عارف علوی پاکستان ٹیلی ویژن(پی ٹی وی) دے جنرل منیجر (جی ایم) خالد محمود لکھن دے خلاف وفاقی محتسب برائے انسدادِ ہراسانی ولوں ݙتی ڳی سزا دا حکم برقرار رکھیے۔ جنسی ہراسانی کیس اچ جی ایم پی ٹی وی کوں ملازمت توں برطرفی اتے ݙاہ لکھ روپے جرمانے دی سزا ݙتی ڳی اے۔ خالد محمود تے پی ٹی وی سینٹر ملتان دی ہک تریمت میک اپ آرٹسٹ کوں ہراساں کرݨ دا الزام ثابت تھیوݨ تے وفاقی محتسب برائے انسدادِ ہراسانی ہک ہفتے اندر ملزم تے سزا عائد کرݨ دی وی ہدایت کیتی ہئی۔ ایوان صدر دے پریس ونگ موجب صدرمملکت جی ایم پی ٹی وی ولوں وفاقی محتسب دے فیصلے خلاف اپیل کوں مسترد کر ݙتے۔ انہاں اپݨے فیصلے اچ آکھیا جو اساݙا مذہب اتے قانون ݙوہیں ایجھے عمل دی سختی نال حوصلہ شکنی کریندن، معاشرے اچ سماج دشمن اتے تریمتیں کوں ہراساں کرݨ آلیاں کوں نشابر سنیھا ݙیوݨ ضروری اے۔ پاکستان تریمتیں ولوں ایجھےنامناسب رویے کوں برداشت کائنا کریسی۔
صدر مملکت ڈاکٹر عارف علوی ولوں پی ٹی وی دے جنرل منیجر دے خلاف ہراسانی کیس اچ سزا دا حکم برقرار
مقالات ذات صلة
