بوظہبی۔ 27 جنوری (اے پی پی) صدرِ مملکت آصف علی زرداری نال اے ڈی پورٹس گروپ دے منیجنگ ڈائریکٹر اتے گروپ سی ای او کیپٹن محمد جمعہ الشامسی ملین۔ صدرِ مملکت اے ڈی پورٹس گروپ دی لمبی مدت دی سرمایہ کاری اتے پاکستان دے بحری و لاجسٹکس شعبے اچ ایندے ودھدے ہوئے کردار کوں سراہیا اے ایکوں پاکستان -متحدہ عرب امارات دے معاشی تعاون دا ہک اہم ستون قرار ݙتا۔ انھاں کراچی بندرگاہ اتے گروپ دی جاری سرمایہ کاری کوں بندرگاہ دی صلاحیت، کم کرݨ دی رفتار اتے علاقائی مقابلے بازی اچ ودھارے کیتے ٻہوں اہم قرار ݙتا۔
انہاں اتفاق کیتا جو بندرگاہ دے انفراسٹرکچر کوں ودھاوݨ اے جدید بݨاوݨ نال تجارت دا بہاؤ تکڑا تھیسی اتے پاکستان دی معاشی ترقی اتے سمندری تجارت کوں فروغ ملسی۔
صدرِ مملکت اسلام آباد اچ اے ڈی پورٹس گروپ دے نمائندہ دفتر دے قیام دا خیرمقدم کیتا اتے تجارت دی کارکردگی بہتر بݨاوݨ کیتے ڈیجیٹل اتے کسٹمز سہولت کاری دے اقدامات تے گروپ دے تعاون دی تعریف کیتی۔ ایں ملاقات اچ خاتونِ اول بی بی آصفہ بھٹو زرداری، چیئرمین پیپلز پارٹی بلاول بھٹو زرداری اتے متحدہ عرب امارات اچ پاکستان دے سفیر وی شریک ہن۔
Leave a Reply