سپریم کورٹ نے پاکستان تحریک انصاف دے چیئرمین عمران خان دی القادر ٹرسٹ کیس اچ گرفتاری غیر قانونی قرار ڈیندے ہووے انہاں کوں فوری طور تے رھا کرݨ دا حکم ڈے ڈیتا
چیف جسٹس عمر عطا بندیال دی سربراھی اچ جسٹس محمد علی مظر تے جسٹس اطہر من اللہ تے مشتمل سپریم کورٹ دا تریھ رکنی بینچ نے پی ٹی آئی دی درخواست دی سماعت کیتی۔ سپریم کورٹ نے سابق وزیر اعظم عمران خان دی گرفتاری کوں اوتھیں واپس کرنا ہوسی جیتھوں شروع تھئی ھائی ، نال ھی چیئرمین پی ٹی آئی کوں ساڈھے چار وجے تک پیش کرݨ دا حکم ڈیتا ھا ، جیندے بعد پولیس نے عمران خان کوں ھک گھنٹی تاخیر دے بعد ساڈھے پنجھ وجے عدالت پھجا ڈیتا گئیا
سپریم کورٹ دے احکامات
عمران خان دی گرفتاری غیر قانونی قرار ڈے ڈیتی
چیف جسٹس دا عمران خان کوں گرفتار تصور نہ کرݨ دا حکم
چیف جسٹس نے گیسٹ ھاوس اچ عمران خان دے نال ١٠ بندیاں کوں رھاوݨ دی اجازت ڈے ڈیتی
سپریم کورٹ دے تریھ رکنی بینچ دے حکم دے مطابق پولیس نے عمران خان کوں سپریم کورٹ پھجا ڈیتا تے انہاں ججاں دے دروازے توں اندر آ تے عقبی رستے توں گھن آئے تے عمران خان خود چل تے عدالت پھجے۔ عدالت عظمی اچ جئیں ویلے سماعت دا دوبارہ آغاز تھیا تاں چیف جسٹس عمر عطا بندیال نے عمران خان کوں روسٹرم تے طلب کر گھیدا، چیف جسٹس نے عمران خان کوں آکھا کہ تساں کوں ڈیکھ تے خوشی تھئی ، ملک اچ تساڈی گرفتاری دے بعد تشدد دے واقعات تھیندے پئے ھن اساں ملک اچ امن چاھندے ہیں ۔ چیف جسٹس نے آکھیا کہ اے گالھ کیتی ویندی پئی ھِ کہ کارکنان غصے اچ باہر نکلے ھن اساں تساں کوں سنڑݨ چاھندے ہیں ، ڈسایا ونجے کہ ٩ مئی کوں عدالت اچ بائیو میٹرک روم اچ موجود ھاوے جئیں ویلے ھک بندہ کورٹ آف لا اچ آندا ھِ تا ایندا مطلب کہ او کورٹ دے سامنڑیں سرنڈر کریندا ھِ
چیف جسٹس دا آکھݨ ھا کہ عمران خان دی گرفتاری غیر قانونی ھائی ، عمران خان دی گرفتاری کوں اساں واپس کریندے پئے ھیں تے عمران خان کوں ھدایت کیتی کہ ھائی کورٹ نال رجوع کرے۔ سپریم کورٹ نے عمران خان کوں سپریم کورٹ دی نگرانی اچ گیسٹ ھاوس اچ رکھݨ دا حکم ڈیتا تے آئی جی عمران خان دی سیکیورٹی کوں یقینی بنڑاوݨ دی ھدایت کر ڈیتی ۔ عدالت نے آکھیا کہ عمران خان سپریم کورٹ دے زیر سایہ پولیس لائنز اچ رکھے ویسن تے انہاں دی گرفتاری تصور نہ ہوسی ۔ عمران خان نے استدعا کیتی کہ انہاں کوں بنی گالہ رھاوݨ دی اجازت ڈیتی ونجے تاہم چیف جسٹس نے آکھیا کہ تساں عدالت دی نگرانی اچ ھیووے ۔ اساں نی چاھندے کہ تساں کوں کوئی نقصان پھجے ، سرکار تمام سیکیورٹی کوں یقینی بنڑیسی۔ چیف جسٹس نے آکھیا کہ عمران خان دی سیکیورٹی دی گارنٹی سرکاری دی ہوسی ۔ عمران خان کل اسلام آباد کورٹ اچ پیش تھیسن۔
چیف جسٹس عمر عطا بندیال دا آکھݨ ھا کہ عمران خان دے کول سیکیورٹی دا کوئی انتظام کینی۔ ٢٣ کروڑ لوگ انتظار کریندے پئے ھن کہ اساڈا لیڈ رایں کشتی کوں آگوں چلاوے۔ تساں ایں کشتی کوں اگئی تے کرݨ اچ مدد کرو۔ چیف جسٹس آکھیا کہ آئین دے تحت عوام دی خدمت کرݨ والا امین ہوندے تساڈے مخالفین بھلے ٹھیک نہ لگن لیکن او وی حقیقت ھ، توقع ڈوجہا فریق وی اپنڑاں کردار ادا کریسی۔ چیف جسٹس عمر عطا بندیال دا آکھݨ ھا کہ اساں کوں یقین ھِ کہ تساں قانون دی حکمرانی چاھندے وے۔ میکوں دھمکی ڈیتی گئی کہ تساں اپنڑیں تے حملے دا انتظار کرو۔ وکیل حامد خان نے عمران خان دے گھر ونجݨ دی استدعا تے پچھا کیا عمران خان واپس گھر ونجن۔ جسٹس محمد علی مظر دا آکھݨ ھا کہ اساں اسلام آباد کورٹ کوں گیارہ ونجے درخواست سماعت پاروں مقرر کرݨ دی ھدایات ڈیندے ہیں۔ چیف جسٹس عمر عطا بندیال آکھیاکہ اساں سیکیورٹی چاھندے ہیں۔
اٹارنی جنرل تساڈے گرنٹیئر ھن جئیں تے اٹارنی جنرل آکھیا کہ میکوں ڈسایا گئیا کہ پولیس لائن کوں سب جیل قرار ڈیتا گئیا ھِ جسٹس محمد علی مظر پچھا کہ کیا او اوتھاں بنگلے اچ ھن یا گیسٹ ھاوس اچ ھن ، جئیں تے آئی جی اسلام آباد نے جواب ڈیتا کہ عمران خان کوں ھݨ تک ھک گیسٹ ھاوس اچ رکھا ھا ۔ چیف جسٹس نے آئی جی توں پچھا کہ کیا وکلا تے دیگر کوں ملݨ دی اجازت ھِ تاں انہاں ڈسایا کہ ایندا میکوں کینی علم تے ایندا جواب نیب ڈیسی تاہم چیف جسٹس نے آکھیا کہ اے اصول اساں طے کریندے ہیں۔
چیف جسٹس آکھیا کہ عمران خان نال جو ملݨ چاھندن انہاں دی فہرست ڈیون اگر کوئی رات کوں رکݨ چاھندے دی ایندی اجازت ڈیسوں، عمران خان اپنڑیں اھل خانہ دے ارکان نال رکھ سکدے ھن، عمران خان بطور مہمان گیسٹ ھاوس اچ رھاسن، ١٠ بندے تساڈے نال رھاسی ، گپ شپ لاو تھ ول سم ونجو۔ چیف جسٹس عمر عطا بندیال آکھیا کہ اج دی سماعت مکمل تھئی تے اج دی سماعت دا تحریری حکم نامہ کجھ دیر اچ جاری کریسوں۔ چیف جسٹس عمر عطا بندیال آکھیا کہ قلم تے اللہ دی طاقت دے علاوے اساڈے کول کجھ کینی ، ممکن تھیا تاں اسلام آباد ھائی کورٹ اچ ١١ وجے دی سماعت مقرر کیتی ویسی۔
ایں توں پہل چیف جسٹس نے ریمارکس ڈیتے ھن کہ عمران خان دی پیشی تے کارکناں کوں عدالت آوݨ دی اجازت نہ ہوسی ، اج ھی مناسب حکم جاری کریسن۔
