اسلام آباد۔ 27 جنوری (اے پی پی) وفاقی وزیرِ داخلہ محسن نقوی اوورسیز پاکستانیاں دی جائیداداں دے تحفظ کیتے اہم اتے فیصلہ کن اقدامات دا اعلان کر ݙتے۔ سماجی رابطے دی ویب سائٹ ’ایکس‘ تے اپݨے ہک خصوصی سنیہے اچ وزیرِ داخلہ واضح کیتے جو سمندر پار پاکستانیاں دے اثاثیاں اتے جائیداداں تے کہیں قسم دا غیر قنونی قبضہ برداشت نا کیتا ویسی۔
انہاں اسلام آباد انتظامیہ کوں سخت ہدایت ݙیندے آکھیے جیکر کوئی اوورسیز پاکستانی اپݨی جائیداد تے قبضے دی اطلاع ݙیندے تاں ڈی سی اسلام آباد ایں معاملے دا ہر حال اچ 7 ݙینہاں دے اندرو فیصلہ کرݨ دا پابند ہوسی۔ انھاں یقین ݙوایا جو اوورسیز پاکستانیاں دے حقوق دا مکمل تحفظ کیتا ویسی اتے کہیں کوں انھاں دی محنت دی کمائی ہڑپ کرݨ دی اجازت نا ݙتی ویسی۔
محسن نقوی آکھیے جو حکومت انھاں کوں ہک محفوظ اتے ’انویسٹر فرینڈلی‘ ماحول ݙیسی تاں جو انھاں دے اثاثے سو فیصد محفوظ رہ سڳن۔
Leave a Reply