سمندری طوفان “وایو” کراچی توں چند سو کلو میٹر دوری تے ، مچھیرے سمندر ءچ نا ونجن
کراچی (سرائیکی نیوز) بحیرہ عرب ءچ بنڑݨ والی سمندری طوفان وایو ، کراچی دے پاسے ودھدا پئے جبکہ محکمہ موسمیات نے مچھیریاں کوں سمندر ءچ ونجن توں منع کر ݙیتے ڈائریکٹر محکمہ موسمیات سردار سرفراز دے مطابق سمندری طوفان وایو کراچی توں ٥٤٠ کلو میٹر دور جنوب تے جنوبی مشرق ءچ موجود ھِ جو شمال تے شمال مغرب آلے پاسے ویندا پئے ڈائریکٹر محکمہ موسمیات دا آکھݨ ھِ کہ طوفان “وایو” دی وجہہ توں سمندری ھواواں معطل تھئی گئیا ھن تے درجہ حرارت دی شدت ٤٧ توں ٥٠ دے درمیان محسوس کیتی ونج سکدی ھِ محکمہ موسمیات دے مطابق اج ڈوپہار تے شام دے اوقات ءچ کراچی ءچ مٹی دا طوفان وی آ سکدے تاہم بارشاں دے امکانات گھٹ ھن جبکہ ٹھٹھہ بدین تے تھرپارکر ڈسٹرکٹ ءچ تیز بارش دے امکان ءچ وی کمی واقع تھئی چکی ھِ طوفان دی وجہہ نال مچھیریاں کوں گھیرے سمندر ءچ نا ونجن دی ھدایت وی کر ݙیتی ھِ ڈوجہے پاسے طوفان وایو دا بھارتی ریاست گجرات دے ساحلی علاقے نال ٹکراوݨ دا خدشہ موجود ھا تاہمی بھارتی محکمہ موسمیات دا آکھݨ ھا کہ طوفان دی تباہ کاریاں دا خطرہ ٹل چکا ھِ
