جدہ(سرائیکی نیوز۔ آن لائن) سعودی عرف نے آکھیا ھِ کہ متحدہ عرب امارات دی حدود ءچ آوݨ والے ݙو تیل دے جہازاں کوں تخریب کاری دا نشانہ بنڑایا گئیا ھِ
سعودی عرب دی پریس ایجنسی نے وزیر توانائی دے حوالے نال تفصیل جاری کریندے ہووے آکھیا کہ ١٢ مئی دے ݙینھ سویرے چھ وجے سعودی عرب ݙو تیل برادر جہاز متحدہ عرب امارات دی کمرشل بحری حدود ءچ فجیرہ دے نیڑے لنگھدے پئے ھن جیندء ءچ ھک جہاز تنورہ بندرگاہ توں امریکا تیل گھن تے ویندا پیا ھا جیتھاں ایکوں آرامکو دے ایجنٹاں کوں فراہم کیتا ونجنڑاں ھا تاہم رستے ءچ تخریب کاری دا نشانہ بنڑایا گئیا سعودی عرب دے وزیر توانائی دے مطابق تخریبی حملے ءچ کہیں قسم دا کوئی جانی نقصان نی تھیا تے نا ہی جہاز توں تیل وھاوݨ توں متعلق کوئی اطلاع ملی ھِ تاہم حملے ءچ جہاز دے ݙھانچے کوں نقصان پھجیا ھِ ݙوجہے پاسے یو اے ای دی سرکاری خبر رساں ایجنسی وام نے وزارت خارجہ دا ھک بیان جاری کیتا ھِ جیندے ءچ آکھا گئیا ھِ کہ متعلقہ حکام نے تمام ضروری اقدامات کر گھیدے ھن تے او مقامی تے بین الاوامی اداریاں دے تعاون نال ایں واقعے دی تحقیقات کریندے پئے ھن
